Page 17 - AM210329
P. 17
Dialuna, 29 Maart 2021 AWEMainta 17
Fiesta Clandestino a caba na detencion
di tur invitado y boet como regalo
Diadomingo algo despues di mey anochi, varios unidad poli-
cial a wordo manda cu urgencia na un adres na Mahuma. E
adres aki ta conoci caba pa Polis pa tene fiestanan clandes-
tino, durante oranan di Toque de Queda.
E biaha aki autoridad a bisa ta basta y na yegada di varios
unidad, nan a kibra e fiesta. Den e fiesta aki mayoria di per-
sona tabata hendenan hoben.
Polis a detene mas o menos 20 persona cu tabata n’e fies-
ta clandestino, dos transportwagen a bay full yen. Nan a
wordo hiba Warda di Santa Cruz caminda nan lo a ricibi
un boet di mil florin, pa no a mantene nan mes n’e regla di
Toque de Queda.
E biaha aki Polis actua cu man duro, compara cu algun si-
man atras, ora nan a bay kibra un fiesta clandestino na
Palm Beach.
Na Palm Beach no a detene niun persona y a laga tur subi
tras di stuur, sin controla si nan a bebe alcohol. Es mas a
permiti nan subi caya durante Toque de Queda.
E biaha aki si Polis a actua manera debe ser, demostrando
asina cu reglanan y medidanan di Covid-19 mester wordo
respeta. Porfin, pasobra ki bal bin cu medida y tog no ta
actua.
