Page 15 - AM210329
P. 15
Dialuna, 29 Maart 2021 AWEMainta 15
Polis a detene tres persona den un
Ford Fiesta, despues cu nan lo a los tiro
Diabierna algo despues di 2’or di merdia, ta yega informa-
cion na Polis, cu riba e caminda di Mabon bay’riba, lo tin
un Ford Fiesta ta siguiendo un otro auto.
Mesora a manda varios un patruya direccion di Mabon
bay’riba, e autonan a pasa Weg Seroe Blanco bay direc-
cion di Weg Fontein, y n’e rotonde aparentemente e auto
patras lo a los dos tiro riba e auto nan dilanti. Varios pa-
truya y unidad policial a mobilisa den e area aki.
Hopi liher den un hanchi un poco mas pabou di unda ta
lanta e avion di remote control, esta Parish Hillweg, nan a
bin topa cu e auto cu lo tabata sigui e otro, den e auto aki
tabatin tres persona, dos homber y un dama.
E Polisnan mesora a para e auto, un Ford Fiesta shin-
ishi. Mesora mas patruya y Recherche a yega n’e si-
tio. E Polisnan n’e sitio a lista e auto completamente,
no ta conoci kico tur nan lo por a haya den e auto.
Esaki pa motibo cu nos no a ricibi niun informacion oficial
di Polis ainda.
E auto a keda confisca y e tres sospechosonan a wordo
transporta pa Warda di Polis pa mas investigacion. Apar-
entemente ta trata di un caso grandi y delicado.
