Page 13 - AM210329

Dialuna, 29 Maart 2021
Doño di cas agredi momento cu el a
reclama huurdonan riba nan comportacion
AWEMainta 13
Diadomingo merdia den careda di 12:15 p.m
Polis a wordo avisa di un problema cu a sali
completamente for di man na un adres na
Paramira. Dado momento a pidi pa Polis yega
cu urgencia segun nos a compronde di un ha-
bitante.
Esaki ta debi cu ta un grupo lo tabata brin-
gando cu un homber, den e grupo tabatin hen-
de muher tambe envolvi.
Riba e caminda di Tanki Leendert prome cu
yega e rotonde nobo, Polis ta para un Hyun-
dai Accent color preto cu dos persona aden. E
duo aki tabata esnan envolvi den e pelea na
Paramira. Mas pazuid Polis a bay cerca un
Nissan March cu tambe tabata envolvi.
Pues despues di e problema na Paramira e
dos autonan aki a bandona e sitio, pero Polis
a logra paranan y efectua e detencionnan.
LOKE A SOSODE
N’e sitio di e incidente nos a wordo informa cu
e homber agredi ta doño di un cas unda cu e ta
huur esaki cu algun hende (esnan cu a wordo
deteni).
Diadomingo e doño a yega e cas pa hala nan
atencion tocante nan comportacion, esta ma-
sha hopi bonchincha y mas cos.
Esaki lo no cay probablemente na agredo di
esnan cu ta huur e lugar y aki a start e prob-
lema, cu a caba na maltrato di e doño y de-
struccion cometi na su auto. Por a mira un
kap bou wowo di e doño kende tabata sangra
basta.
Pa loke ta destruccion n’e auto, dos dama den
un March lo ta responsabel p’esaki cu ta famia
of amistad di esnan den e Accent color preto.
Manera nos a bisa anteriormente, despues di
e problema y destruccion tur a bandona e si-
tio.
Polisnan a tuma tur dato di loke a pasa y tam-
be a splica e doño e pasonan cu e mester tuma.