Page 9 - AM230126
P. 9
Diahuebs, 26 Januari 2023 AWEMainta 9
Campeones Cantina & Tequila bar a habri
su porta na Marriott’s aruba Ocean Club
pa brinda un experencia unico y memorabel
CAMPEONES Cantina & Tequila Bar, un concepto
unico inspira pa e cayanan di Mexico ta habri su porta
na Marriott’s Aruba Ocean Club. Campeones Cantina
& Tequila Bar ta cla pa brinda e pueblo di Aruba un
experencia unico y memorabel caminda cu colornan
vibrante, cuminda Mexicano di calidad halto y un
momento agradabel ta topa hunto.
Ingredientenan fresco y recetanan autentico ta crea
un sabor di recorda, cu platonan manera “Beef Quesa-
Tacos”, “Al Pastor Chicken Tacos”, y bebidanan clasico
cu un “twist” manera “Classic Hibiscus Margarita”. Na
yegada, e bishitante lo wordo transporta pa un mundo
colorido, hibando nan den e cayanan di Mexico cu un
atmosfera extraordinario. Cu un variedad amplio riba
menu, sigur tin algo pa satisface tur apetit!
Na Campeones por conta cu un sorpresa den tur skina,
for di e entrada cu casnan estilo Mexicano, pa fontein
di awa cu un zonido relahante comosifuera bo ta den
un hardin, pa e tequila bar unico, ofreciendo un surtido
grandi di tequilanan di Mexico, Merca, y otro paisnan.
Campeones ta un lugar ideal pa tur tipo di celebracion,
incluso esnan den grupo. Awor cu un oferta special y
personalisa, caminda por disfruta di diferente platonan
Mexicano y alabes añadi mas segun bo gusto.
Durante temporada di eventonan di sport, por mira e
diferente weganan faborito y disfruta di un bar bon
surti, incluyendo nos famoso margarita. Haci uzo di e
oferta solamente disponibel pa local cu prijs di Dollar
pa Florin, ariba tur bebida, tur dia entre 8PM – 11PM.
Conecta cu Campeones via nan Facebook page y keda
na altura di tur locual nan ta ofrece.
Mas información tocante e
compleho di Aruba Marriott:
Aruba Marriott Resort & Stellaris Casino a habri na aña
1995 cu 411 camber y a añadi 3 camber na 2018. Na
aña 1999 a habri Ocean Club cu 311 camber y na aña
2004 a habri Surfclub cu 900 camber. Na tur, e famia
di Aruba Marriott ta consisti di mas o menos 1,200
empleado den servicio directo. E compleho di Marriott
Aruba ta esun di mas grandi den henter Caribe,
tanto den cantidad di camber como den cantidad di
empleado.
