Page 26 - HOH

ORANJESTAD (AAN): Autoridadnan local di

diferente departamento, tabata presente na Aeropuerto Internacional Reina Beatrix riba
Diadomingo atardi, ora cu e Airbus A330 di KLM a ateriza pa 6:09 pm riba e isla.

Esaki a socede debi cu for di momento cu e avion aki a bandona Gate D3 na Schiphol
(Amsterdam), informacion a yega na autoridad na Aruba cu cuatro pasahero Chines cu

a caba di yega di China, ta sinta den e avion aki rumbo pa Oranjestad.

Esaki a pone cu mesora tur instancia concerni na Aruba a tene un reunion, y a ehecuta

un draaiboek pa e casonan aki. Informacion cu a drenta alavez ta cu ora cu e
pasaheronan aki a yega Schiphol, ey no a nota nada sospechoso na e persona
aki. Pues nan no ta malo, ni ta mustra ningun sintoma.

ISOLACION MESORA:

Pesey mes a core implementa e plan, y DVG a cuminza traha. Nan a haya sa for di e
aerolinea, exactamente cual asiento nan a sinta den e avion Airbus. Fuera di esey, a

ricibi tambe nomber di 14 pasaheronan cu ta sinta full rond di cada uno di nan.

Durante un conferencia di prensa convoca Diadomingo atardi na Rampen Bureau, esey
ta loke Sharline Koolman di DVG a splica. E protocol internacional ta indica cu esaki ta
e forma di procede den casonan asina. Y awor cu tur pais ta cauteloso pa evita entrada

di e Novell Coronavirus (2019-nCoV), esaki ta wordo haci riba e isla aki tambe.

E cuatro Chinesnan aki tin paspoort Hulandes y ta residencia na Aruba. Nan a viaha pa

China pa celebra Aña Nobo Chines. Algo positivo ta cu nan no a bay bishita e provincia
di Wuhan. Nan a keda na otro parti di China.