Page 30 - HOH

Decision a ser tuma riba Diadomingo, pa transferi e muher aki pa un Hospital mas
avanza na capital di Jamaica, esta Kingston. Su sintomanan ta di dolor inmenso di
cabez, ta sinti su curpa hopi debil, y ta haya calafriu, entre otro. El a wordo poni den
camber di isolacion, y tur Docter y Enfermero ta usa paknan special pa por drenta

eyden.

Diasabra anochi, Ministro Dr. Christopher Tufton di Salud y Bienestar a emiti un boletin,
bisando cu e sintomanan cu e pashent tin, no ta cuadra cu e definicion pa Coronavirus

nobo.

Pero toch, Annotto Bay Hospital a wordo cera temporalmente como un medida di
precaucion, enbista di e preocupacion mundial pa cu Coronavirus (2019-nCoV).

OTRO CASO:

Pa colmo, Diabierna cu a pasa como 19 turista Chines cu a yega na Norman Manley

International Airport na Kingston, a wordo prohibi di baha bao di e reglanan nobo di
Jamaica.

E prohibicion aki a bin a base di e precaucion pa limita entrada di Chinesnan e

temporada aki, relaciona cu e Coronavirus cu ya caba a mata mas di 300 hende na
China, y cu miles di hende infecta rond mundo.

https://www.diario.aw/2020/02/jamaica-tin-un-muher-isola-na-hospital-cu-sintomanan-pisa-di-griep-2/