Page 27 - HOH

Pero toch pa tur seguridad, e cuatro personanan aki a wordo poni bao cuarentena
desde Diadomingo atardi despues cu e avion a baha. Esey ta loke Ministro Dangui
Oduber di Salubridad Publico a revela.

Ta conoci cu e Coronavirus (2019-nCoV) aki ta dura 2 siman pa ‘incuba’. Pesey e
cuarentena lo dura 2 siman, pa check si e 4 pasaheronan aki ta desaroya e malesa of
no. Pa dos siman largo nan lo keda isola, y por papia cu nan famia solamente via
telefon of messaging.

MONITOR:

E cuatro personanan aki ta kedando na un lugar isola, y Gobierno no a revela unda

esaki ta. Aunke ta conoci cu Hospital di Aruba tin camber di isolacion cla pa cualkier
victima cu kizas haya e malesa confirma.

Pero por lo pronto, no ta conoci unda nan lo bay. Pero si acaso uno di nan desaroya e

malesa den e 14 dianan venidero, mesora DVG lo bay contact e otro pasaheronan cu
tabata sinta den 1 y 2 rij leu di e Chinesnan aki abordo di e Airbus A330.

Gobierno a splica cu esaki ta exactamente loke nan lo bay haci cu tur caso sospechoso

cu ta yegando Aruba, y di cual e pasahero lo ta biniendo di China. No ta bay tuma
ningun riesgo den e asunto aki di e malesa mortal di Coronavirus (2019-nCoV) cu den
fin di siman ya a hisa e cantidad di morto na China te na 300 hende.

Diferente instancia di Gobierno a tene reunion urgente na Rampen Bureau pa atende e
asunto aki. E ta demostra cu Aruba ta full prepara, y ta actua proactivamente pa
preveni cualkier entrada di e virus mortal.

https://www.diario.aw/2020/02/gobierno-a-pone-4-pasahero-den-cuarentena-djis-como-precaucion/