Page 19 - MIN JUS 15 DEC 2015

Minister Arthur Dowers presente durante

presentacion riba consumo di alcohol na

MFA Noord

on: December 14, 2015In: LocalNo Comments
Print Email

Dialuna tabata tin un presentacion na MFA na Noord, caminda cu tabata tin diferente grupo cu
tin di haber cu consumo di alcohol. Minister di Husticia, Arthur Dowers tambe tabata tey y el a
comenta cu cu dos studiante di Breda a duna un presentacion di un investigacion cu nan a haci
bao di un grupo corespondiente relativamente chikito. Pero loke a resalta den nan investigacion
ta cu tin hopi hende ta usa alcohol y ta core auto. Ta algo cu nos ta conciente di dje na pais
Aruba y cu nos ta hiba un maneho hopi dirigi riba reduccion riba uso di alcohol den trafico, e
minister a remarca.
Loke a mira como efecto na momento cu mantene como cuerpo policial, haci hopi mas control, e
cantidad di hende cu ta usa alcohol den trafico ta reduci. Hende ta bira mas conciente y nan sa di
e oportunidad di wordo gara y tin poco hende cu ta scoge sea cu nan no ta core auto of busca un
hende cu ta core auto pa nan.
E mandatario a sigui splica cu na 2011 tabata tin un campaña cu a haci hopi riba esaki. Tur
partner cu tabata envolvi na 2011 cu tabata kier a papia e tempo aya pa sostene un campana a
largo plazo, hopi di nan a kita cay y tin cu bisa pasobra cu no a mira nan sosten keda eynan,
siendo cu hopi biaha nan ta esnan cu tin interes mas grandi pa uso di alcohol den trafico ta
mininmal. Ta spera cu FADA a haci un esfuerso nobo pa loke ta trata e aspecto di prevencion di
uso di alcohol den trafico cu e otro partnernan tambe lo join y lo contribui na e parti financiero
tambe cu ta imporante pa hiba e campañanan aki y asina ey reduci e risiconan cu ta core door di
core auto den trafico. Cuerpo Policial, awo cu ta fin di aña ta prepara e maneho pa e aña cu ta
bin.
E ultimo seis añanan, trafico y sigur, siguridad di trafico, uso den trafico tabata prioridad den
husticia y lo keda prioridad. Den e simannan cu ta bin tambe lo sinta na mesa y invita mas
partner pa join den e lucha cu ta wordo hiba contra di uso di alcohol den trafico.
Mayoria di e daño hopi grandi cu ta wordo cometi contra na hende, ta cordo cometi bao di
influencia di alcohol y un di e otro aspectonan ta coremento di auto mucho duro. Cu un campaña
asina aki di ta conciente, e risicio cu alcohol tin y alabes e otro aspectonan di risico den trafico,
nos trafico lo aumenta atrobe pa loke ta aspecto di siguridad. Ta mira un reduccion di cierto
risico. Sinembargo no ta satisfecho ainda. Ta kere cu por logra mucho mas ainda.