Page 21 - MIN JUS 15 DEC 2015

Minister Arthur Dowers Tin plan pa traha

hunto pa cuida nos frontera

on: December 14, 2015In: LocalNo Comments
Print Email

Tin basta tempo caba cu tin hopi desaroyo negativo riba nos fronteranan mirando cu no tin hopi
personal di Douane pa haci nan control. A acerca minister di husticia Arthur Dowers pa sa si tin
un plan pa haci algo pa cual ta sintando na mesa cu minister di finanzas, kende ta encarga cu e
parti di Douane, pa por bay traha hunto y mantene mas control posibel.
E responsabilidad di hende na frontera ta di Douane. Ta den combersacion cu ministerio di
Finanzas pa mira con ta mehora y ta coopera sumamente bon cu otro. A yuda train cachonan pa
douane ultimamente, despues cu hopi aña nan no ta wordo getrain. Hopi di e cachonan aki a gara
hopi droga cu a drenta nos pais.
Tambe ta asina cu Directie Zeevaart, ta esunnan cu ta responsabel pa pa henter e movecion di
boto riba lama. Minister Dowers no por dicidi cu un boto civil cu ta transporta hende. E sa cu
hende na partido MEP cu no ta haci nada sino transporta hende hiba hende Venezuela, etc. Nan
ta grita haci show cu Venezolano ta bin, Dowers no ta haci nada, ta nan mes ta trece nan. Esey ta
pone un presion extra riba e sistema. Ora compronde cu tin regla stipula cu si ta bay por ehempel
un boto di placer, ta bay Venezuela cune, por bay cu tripulacion. No ta bay cu pasahero hiba
trece.
Ta masha straño cu e hendenan tin documento cu e tripulacion di e boto tin 6 luna, 2 aña.
Hendenan grandi scapa na e pais aki ta haci pa desvia di reglanan. Un Venezolano ta tripulante di
un boto, registra na Aruba. Ki mishi un Venezolano, un señora di 16, 17 of 18 aña ta beman un
boto di placer di Aruba. Nan ta tuma hende haci y contribui na criminalidad. Tin cu bisa cada
hende cu no kier tene nan mes na regla, cu no ta respeta autoridad, cu no ta respeta e normanan
cu ta wordo stipula door di gobierno, pa despues nan mes cana yora y grita cu ta pasa fout na e
pais aki. Mester bin un atake mucho mas severo riba tipo di negoshi cu ta tuma luga aki. No ta
responsabilidad di husticia, pero si ta stimula y duna informacion loke nan ta mira y e otro
partner pa para e tipo di bagamunderia cu ta tuma luga aki.

http://masnoticia.com/minister-arthur-dowers-tin-plan-pa-traha-hunto-pa-cuida-nos-frontera/