Page 32 - AWEMAINTA
P. 32
32 AWEMainta Diahuebs, 21 December 2017
Corsou
Training traficacion
y contrabanda di
hende na Còrsou
WILLEMSTAD - Diamars y diaranzon 19
y 20 di december ultimo, un cantidat di 120
persona di diferente instancia gubernamental
a ricibi training na Còrsou con pa reconoce
señal di traficacion di hende y contrabanda
di hende, prevencion di traficacion y contra-
banda di hende, y con pa traha hunto den
forma multi-disciplinario pa combati esaki.
Un bon cooperacion entra Ministerio di
Husticia y Ministerio Público Còrsou y cu
financiamento di Ministerio di Husticia di
Hulanda a haci esaki posibel.
Ta trata di ehecucion di un segmento den
e plan di atendimiento 2017-2021 cu awor
a keda ehecutá den cual ta compromete pa
duna training n’esnan cu ta traha den Gobi-
erno.
E training tabata repartí den 4 sesion, den
cual a traha intensivamente hunto.
Participantenan cu a ricibi training ta traha
e.o. na: KPC, RST, Guardacosta, SVB, VDC,
SOAW, Interpol, Slachtofferhulp, Toelating-
sorganisatie (TO), MEO y Ministerio Públi-
co (OM).
E curso tabata na encargo di funcionarionan
specialisá di Polis di Aruba (KPA).
Na Cörsou tambe tin caso di traficacion y
contrabanda di hende. Reconoce e casonan
ta un prome stap den combatimento di e ca-
sonan aki.
Combatimento di traficacion di hende y
contrabanda di hende ta importante pa tan-
to Ministerio Público como pa Gobierno di
Còrsou.
Tantu e cadena hudicial como e cadena
ehecutivo ta inverti hopi den e topico aki.
