Page 30 - KPA 12 JUNE 2017

CANDELA FEROS TA DESTROSA UN GRAN

PARTI DI UN WAREHOUSE NA DAKOTA

12/06/2017 Admin Uncategorized Leave a comment

Guyabastraat, Dakota: Diadomingo algo pasa di 10’or di anochi, polis y
brandweer ta wordo manda cu urgencia den e parti pariba di Guyabastraat,
caminda tabata e deposito di Wimco.

Na yegada nan ta topa cu un warehouse, cual un gran parti tabata na candela.
Mesora Brandweer ta cuminsa combati e candela, mientras polis a cuminsa cera
caminda pa trafico.

Na prome instante a bisa cu ta trata di e warehouse di Crown, despues a resulta
cu ta trata di un warehouse banda di esun di Cas di Max. Den e warehouse aki
tin diferente compania, manera un compania di construccion, un compania di
muebles y matras. Ora cu brandweer a habri e porta por a mira varios hemchi,
pero no por bisa kiko lo tabata e contenido di hemchinan

Durante e candela tabata tin un explocion basta fuerte, hopi huma tabata sali di
e candela y a ser bisa cu e huma ta hopi toxico, pesey polis tabata tin e area aki
cera y no tabata laga hende yega cerca.

ADICTO TA DRUMI, CAMINDA CU

CLIENTENAN MESTER BUSCA NAN POST

11/06/2017 Admin Uncategorized Leave a comment

Socotorolaan – Diasabra mainta algo prome cu 6’or, polis ta ser pidi na parti zuid
di Postkantoor. E problema ta cu caminda tin e postbusnan, un adicto tawata
drumi.

Aparentemente security guard a papia cune pa e move y esaki no tawata worry.
Clientenan ta haya esaki hopi fastioso.

Polis na su yegada a bay y papia cu e adicto, cu a move e ora ey si. Ela subi su
bais y bay.