Page 31 - KPA 12 JUNE 2017

DEN ORANAN DI MARDUGA, DAMA CU A

WORDO MALTRATA TA YEGA CITGO

WAYACA

11/06/2017 Admin Uncategorized Leave a comment

Wayaca – Diadomingo marduga algo prome cu 5:30 polis y ambulance ta bay
Citgo Wayaca, caminda tin un auto para y un dama herida den dje.

Na yegada nan ta topa cu un Chevrolet Spark y den dje e dama herida. E dama
tawata na sanger, segun nos a compronde e lo a wordo maltrata na Bucutiweg
door di su pareha.

Ambulance cu a yega na e sitio mes ora a bay atende cu e dama, mientras
patruya di Santa Cruz bay e adres na Bucutiweg, caminda e agresor lo mester ta.

CHAUFEUR TA HALA NA SU MAN ROBES Y

TA DAL DEN DOS AUTO BINIENDO DI

DIRECCION CONTRARIO

11/06/2017 Admin Uncategorized Leave a comment

Rooi Manoonchi: Diadomingo mainta algo prome cu 6’or, polis y ambulance ta
wordo manda na Rooi manoonchi riba e caminda pa bay Seroe Blanco pa un
accidente entre 3 auto y tres persona herida.

Na e sitio polis ta bin compronde cu e chaufeur di e Toyota Corolla berde tabata
bayendo direccion panort riba e caminda di Rooi manoonchi pa Seroe Blanco y
pa un of otro motibo e tabata coriendo completamente na su man robes, net na
momento cu un Toyota Yaris, maneha pa un dama, tabata biniendo di direccion
contrario, e dama tras di stuur di e Yaris a purba hala na banda, pero pa motibo
di e cobamento canto di caminda no por a hala mucha na su man drechi y e
Corolla Berde ta dal contra e wiel di e Yaris, kibrando esaki. E chauffeur di e
Corolla no a para y a sigi bay dal contra un Mini Cooper cu tabata biniendo tras
di e Yaris.