Page 33 - KPA 12 JUNE 2017
P. 33
PELEA GRANDI DEN JOHAN DE
WITTSTRAAT CAMINDA CUATER HOBEN TA
HINKA UN HOMBER DOS BIAHA.
11/06/2017 Admin Uncategorized Leave a comment
Oranjestad: Diadomingo algo prome cu 3’or di marduga, polis ta wordo manda
cu urgencia na Johan de Wittstraat 10, na altura di Selva Negra, pa un pelea den
cual tin un of mas persona cu arma y un persona herida.
Na momento cu e patruya tabata yegando nan a ricibi un informacion cu tin un
persona hinka den Koningstraat . Na e sitio polis a bin compronde cu segun
version di e victima e tabata canando den Johan De Wittstraat y aparentemente
sin niun motibo, 4 hoben lo a cuminsa bringa cu ne y den e pelea, e persona a
wordo hinka dos biaha, un den su pecho y un den su lomba, e victima tabata na
tino, pero si tabata tin mester di atencion medico.
Mesora e polisnan na e sitio a pidi pa presencia di ambulance, personal di
ambulance despues di a trat’e victima na e sitio a transporte pa hospital.
E victima a declara na polis cu e agressornan tabata 4 hobennan, un di nan
tabata tin un petchi cora bisti y e otro un capuchon cora, tambe un tabata tin un
short bisti. Polis a sali mesora enbusca di e 4 sospechosonan aki, nan a buska
den full e area pero no a logra topa cu nan.
