Page 38 - MIN ON

Condado Hilton, na Puerto Rico, unda a ariesga den un cuna cu tur hende ta conocedor
di Salsa, y e evento aki a haya hopi bon acogida.

Mirto Lacle a trece duna un documental, y el a expresa cu el a keda masha contento

pasobra el a haya invitacion di Roberto Padilla, hunto cu su famia, ken ta doño di El
Museo de La Salsa na Copey Halto, Puerto Rico e cuna di e campeon pugilista Tito
Trinidad.

El a splica tambe cu e co-produccion di e documental ta hunto cu George Jacobs, un
persona ken el a traha 30 aña pasa na Republica Dominicana, y nan a haci
entrevistanan cu tur persona ayega na e mundo di Salsa, pasobra na Puerto Rico nan ta
celebra e “Dia Internacional di Zalza” (nan ta skirbie cu “z) y eynan tur figura grandi ta

bin na un Stadion masha grandi mes, segun Lacle a relata, agregando cu e lugar tabata
completamente yen.

Mirto Lacle a sigui splica cu nan a haci un retrospeccion pa mira con e termino cu nos

conoce awe como “Salsa” tanto pa e musica como pa e caracteristica grandi di dje cu ta
bailable. “Akinan nos a haci un retrospeccion pa mira con a yega na loke nos yama
Salsa awe”, Lacle a reitera.

Y kendenan ta e figuranan cu ta aporta na esaki? Y eynan por mira cu un reclama cu ta
di dje e ta of otronan cu ta bisa cu no, cu ta di esaki, y esey ta interesante pasobra e
ora ey bo ta mira cu tin un confluencia di nacionalidad cu a haci esaki posible.

El a señala cu ta masha bunita locual a bin dilanti den dje ta ora nan ta conta di ken un
a siña algo, cu ken a comparti, y el a mustra atravez di hendenan cu kizas nos a lubida
caba. Lacle a splica un rato di unda e palabra “Chapo” a bin, cu ta bin di “Chapotin” cu
tabata un Cubano cu tabata bisti colorido y cu a crea un banda cu tabata yama

“Chapotin y sus estrellas”.

“For di eynan e palabra ey a nace: bo ta bisti chapo cu kiermen tur na color”, sr. Lacle
a comenta.

Mirto Lacle a menciona con nan ta yama na cierto figuranan di e genero di Salsa
manera: El Poeta de la Salsa, La Reina del Guaguanco, La Guarachera de Cuba, etc.
Tambe el a trece dilanti sr. Dania, un cabayero di 98 aña di edad, cu a wordo