Page 43 - Extra 1 April,2016

Djabièrnè 1 Aprel 2016 43

Kontinuashon di pag 10
DIKON AMI SI

Age Bakker di CFT,
Hensley Koeiman, Alison
Manuel, Mike Franco i
fiskal mayó Heiko de Jong.

Segun mr. Peterson
e testigunan aki por
deklará riba karakter di
e reunion ku a tene ku e
komishon di CFT. Nan por
bisa si e reunion tabata
unu será si òf no. Segun
e defensor no ta Thodé
so a duna deklarashon
riba e reunion, pero tambe
lider polítiko di partido
MAN, Hensley Koeiman.
“Ounke Koeiman no ta den
e komishon finansiero di
parlamentu, el a pidi pa ta
presente den e reunion ku
CFT. Esaki pasobra e tabata
minister den gabinete
Schotte i kual gabinete
despues di 2012 a bisa
ku tabatin mal maneho
finansiero. Koeiman a
deklará na mesun radio
emisora loke ku CFT a bisa
den e reunion”.

Mas aleu e abogado a
bisa ku Thodé a entregá
keho kontra di e testigunan
na ministerio públiko,
pero te awe nan no a
tende nada. P’esei e ke
tende fiskal mayó dikon
no ta pèrsiguí esnan ku a
entregá denunsia kontra
di dje, inkluso partido PAIS
ku riba su wèpsait a skirbi
dje reunion.

Abogado general mr.
Angela a indiká ku e
no ta mira niun motibu
partikular pa por tende
e testigunan. No tin un
motivashon bálido. “E
testigunan no por bisa
dikon OM no a pèrsiguí
otronan den e reunion.
Persekushon ta algu di
Ministerio públiko. Nos
a manda yama Thodé
vários biaha, pero e no a
reakshoná i p’esei a bai
over na e kaso den korte”.
P’esei Abogado General a
pidi e tres wesnan di korte
apelashon pa rechasá pa
tende e testigunan.

Promé di a tuma un
desishon Thodé a bisa wes
ku ta dikon ta pèrsiguí
su persona i Koeiman ku
a hasi meskos kuné nò.
Ademas pasando den outo
un reshèrshi a bisé ku e ta
akusado den e kaso aki.
ora el a puntra kua fiskal
ta atendé ku e kaso, a bisé
Rip. Mesora el a manda
dos karta pa Rip, pero no a
haña kontesta.

Korte di apelashon
a disidí ku nan no ta
dikta sentensia mesora,
pero t’e dia 20 di aprel
riba tendementu di e
testigunan.