Page 45 - Extra 1 April,2016

Djabièrnè 1 Aprel 2016 45

Kontinuashon di pagina 44
FRAKSHON PS KE ...

splika ku mester
interpretá nan karta komo
un yudansa pa e minister
buska informashon, prepará
su mes i bin parlamento
bin informá kon ta bai
atendé ku e kasonan di
aneksashon ku ta tumando
lugá últimamente.

E bosero dje frakshon a
referí na kasonan spesífiko
den e área di Baoase
kaminda hinter un kaya
a bira parti dje proyekto
hotelero.

A mira un situashon
similar den Pietermaai
smal kaminda un tra’i
otro e hanchinan smal a
bira parti dje proyektonan
hotelero òf di horeka i ya no
ta aksesibel mas pa públiko
Mack Cijntje a splika.

Na Pietermaai tin e
situashon di Zonstraat ku
den un drumi lanta a bira
parti dje proyekto di garashi
di parker despues ku pa
dékadanan largu e kaya aki
a sirbi pa tráfiko ku yen di
negoshi bon frekuentá Mack
Cijntje a duna di konosé.
Otro ehèmpel mas segun e
bosero di frakshon di Pueblo
Soberano ta e situashon na
Van Slobbeweg kaminda
gerensia di Renaissance
despues di un periodo largu
di ‘racial profiling’ kaminda
tabata disidí a base di rasa
ken por pasa i ken no, awor
a sera e kaminda i ta habri
esaki únikamente ora tin
barku di turista.

Mack Cijntje a puntra su
mes si e mandatarionan di
Kòrsou ku frekuentemente
ta pasa den e áreanan
ariba menshoná no a
puntra nan mes si ta
trata di situashonnan
normal òf ta kos ilegal
ku meresé atenshon i
investigashon. Un detaye
èkstra preokupante
segun e parlamentario
di Pueblo Soberano ta
ku un investigashon ku
nan a hasi ta mustra ku
den práktikamente tur e
kasonan di aneksashon
ta mesun notario i mesun
funshonario altu di gobièrnu
a hunga e papel sentral.
Probablemente tin ku
enbolbí ministerio públiko
den e asuntu aki ya ku ta
improbabel ku den tur e
kasonan kaminda propiedat
di pueblo a bira propiedat di
desaroyadó sin ku esaki a
paga tabatin semper mesun
kombinashon di notario i
alto funshonario di gobièrnu
Mack Cijntje a