Page 47 - Extra 1 April,2016

Djabièrnè 1 Aprel 2016 47

Kontinuashon di pagina 11
LEI TA PERMITI

E persona aki ya a keda
kuater biaha kondená pa
e mesun tipo di echo aki.

Plasterk a splika
Bosman ku e kódigo
penal di Kòrsou ta dun’é
posibilidat pa imponé
un kastigu adishonal pa
prohibí e persona biaha
pa un pais den Reino
Ulandes.

Esaki ta un kambio ku
a drenta na vigor dia 9 di
desèmber di aña 2015.
Pues un lei resien.

No ta den tru kaso e
tipo di kastigunan aki ta
keda imponé i den e kaso
aki si a imponé e lei ya
menshoná.

Motibu ku a imponé e
kastigu aki, ta pa e echo
ku e persona aki ya a
keda kondená na kuater
okashon kaba pa e mesun
tipo di delito kometé.

Práktika a mustra ku
hopi biaha un hende ku a
transportá droga un biaha
ta keda serka mas biaha
pa e narkotrafikante pa e
sigui transportá droga.

Hopi biaha e mulanan
aki ta transportá droga tòg
pa motibu di miedu, no sa
kon pa bisa no i na hopi
okashon tambe pa motibu
di situashon finansiero
deplorabel.

Pa skapa e hendenan
di e situashon ku nan ta
haña nan mes aden, ta
imponé un prohibishon di
biaha.

Esaki ta nifiká ku si e
mula aki tabata inskribí
na Kòrsou, hues lo a
imponé un prohibishon
pa e no sali Kòrsou, pero
e echo ku e ta inskribí na
Ulanda, hues a imponé un
prohibishon di biaha pa
Kòrsou.

Minister Plasterk a bisa
ku Ulanda no tin e lei aki,
pero kisas ta un kos bon
pa nan na Ulanda hiba
un diskushon amplio riba
e aspekto di lei aki i wak
kon por regulá un ke otro
den Reino Ulandes.