Page 12 - WEB
P. 12
E oferta riba mesa awe na trahadonan di CAR ta dos luna y mey di salario
(opzeggingstermijn), tambe cesantia dependiendo cuanto aña cada trahado ta trahando cu
e compania, dianan di vakantie acumula y nan bonus di fin di aña cu ta regla den nan
CAO. E trahadonan y nan sindicato ta sinti cu e pakete di retiro por ta hopi miho cu esaki.
E trahadonan entodo caso no tin culpa den e guera entre Merca y Venezuela, cu
consecuencia cu a pone un embargo (prohibicion) pa haci negoshi cu companianan
Venezolano, lesa PDVSA.
Den e proceso, den e ultimo dianan a saca un carta tambe pa tur contratista, pa para tur
trabou y pa nan paga nan trahadonan di acuerdo cu leynan laboral. Pa dia 30 di januari
2020 tur trahado mester ta pafo di e refineria, tanto esunnan trahando directo cu CITGO
ARUBA (CAR) como tambe esunnan trahando via contratista. Cu esey algun shen hende
lo habri aña sin siguridad laboral.
Fuels Marketing & Supply Aruba FMSA, ta e galiña cu ta pone e webo di oro pa RdA.
