Page 8 - WEB

investigacion completamente nobo di e acuerdo di Citgo, DIARIO a splica Aruba cu
realmente e acuerdo cu e pais a firma cu Citgo no tabata tin base legal.

Gobierno di Mike Eman a haya asistencia di e mayoria di AVP den Parlamento pa trata

na legalisa un acuerdo cu tabata contra Aruba na tur forma.

Gobierno Mike Eman a kibra constitucion di Aruba, a kibra e structura legal di Aruba, a
bay contra ley di Aruba, a kibra economia di Aruba, a kibra futuro social di Aruba y a

kibra cara di Aruba cu e ley di Citgo cu autoridad competente mester investiga.

Awe trahadonan di Aruba a bira victima di un fantasia historico den mundo politico di
Aruba.

Ta increibel loke a pasa cu Aruba ora manipulacion di pueblo a culmina, na momento cu
ya Gobierno Mike Eman a destrui e base financiero di Aruba na 2014 y a laga Aruba
mara na debe, na caos cu a start for di e momento cu Mike Eman a asumi poder den

gobernacion na Aruba.

Sindicatonan awe mester dirigi trahadonan pa Mike Eman, cu contra tur ley a hinca
Aruba den e desastre cu casi a zink Aruba. Es mas, si na 2017 no a yega fin na su

gobernacion, Hulanda lo mester a pone halto medidanan di supervision na Aruba pa e
pais no wordo declara bankroet.

E consehero huridico di Gobernador di Aruba, Raad van Advies, a mustra den su

rapport cu mester cuestiona legitimidad di e acuerdo di Citgo. Si Polis ta duda den
legitimidad di un accion di un ciudadano, e mester actua.

E mayoria di AVP den Parlamento a sostene e pasonan ilegal y manipulacion di nos

sistema democratico pa medio di e acuerdo di Citgo.

Awe e bom ta rementa den man di trahadonan cu ta sinti nan mes victima di un wega,
den cual nan lidernan y un gran parti di Aruba a cay pasobra hamas Aruba por a pensa

cu su gobernantenan por trapa cu dos pia riba su cara y su interes manera gobierno di
Mike Eman a haci.