Page 9 - WEB

Lidernan sindical di Aruba mescos cu Comercio, tur instancia oficial y Parlamento tabata
na haltura cu Citgo a drenta na un momento cu Mike Eman tabata tambalia como
Prome Ministro di Aruba, cu tabata den problema serio for di 2014.

E acuerdo di Citgo a sirbi pa gobierno Mike Eman, contra ley y hasta cu blackmail di su
contrincantenan politico den Parlamento, rementa e sistema huridico cu ta proteha
bienestar di Aruba.

FTA tabata critico na luna di Mei 2016 y ainda tabata bisa cu e kier mira de contracto.
Na juni 2016 tur hende a wordo silencia ora gobierno di Mike Eman a crea e situacion
cu esun cu ta contra di loke nan a firma, ta contra di Aruba.

Te na momento cu ya e acuerdo a lastra Aruba den un desastre, ainda Mike de Meza y
despues Wyatt Ras y otro miembronan di AVP tabata hunga comedia dilanti pueblo di
Aruba.

Juan Guaidó na Merca a bay Corte pa mustra cu banconan cu a cera deal cu Nicolas
Maduro sin reconoce Asamblea Nacional, a bay contra Ley y cu e no ta reconoce nan.

E por uza e argumento aki tambe contra Aruba, caminda placa di Citgo tambe a

disparce.

Awe e pagara di gobierno Mike Eman ta rementa den man di trahadonan pero tambe tin
Aruba den e situacion actual.

Sindicatonan mester bay puntra e gobierno di Mike Eman y su mayoria den Parlamento
pakico nan a destrui Aruba na fabor di Nicolas Maduro, cu husticia rond mundo ta
persigui!

Mientrastanto mester investiga e acuerdo cu a herida Aruba riba tur tereno!

https://www.diario.aw/2019/12/e-pagara-di-citgo-ta-rementa-den-man-di-trahadonan/