Page 23 - AM220913
P. 23
Diamars, 13 September 2022 AWEMainta Comunidad
Stimami Sterilisami a recauda 35.000 Florin
pa su campaña nacional di sterilisacion
undacion Stimami Sterilisami a logra re-
F cauda 35.000 Florin na su Summer Side-
walk Sale, e evento di benta di produc-
tonan di hotel di mas grandi na Aruba, cu a
tuma luga na Sun Plaza. “Nos ta sumamente
agradecido pa e apoyo di nos comunidad lo-
cal, cada contribucion y boluntario cu a haci
e evento aki asina exitoso. E tawata hopi
conmovedor pa wak cuanto organisacion a
participa y tur e productonan cu nan a apor-
ta. Nos kier a gradici Bucuti & Tara Beach
Resort, Marriott Vacation Club, Ritz Carlton,
RIU Hotel & Resorts, Tara Eco Supplies, Ben
Kaufman, Yesenia Arends, Sun Plaza, Craft
& Lola, New York Laundry, Nine Lives Foun-
dation, Sgt Pepper’s Friends y Luna Foun-
dation pa nan contribucionnan generoso y
boluntarionan cu a participa. Tambe nos
kier duna un danki special na e Directiva di
Stimami, Jenny Erazo, Kamilla Erazo, Davi-
ka Hoo, y Jasmin Maduro, pa nan asistencia,
tempo y dedicacion.” Ewald Biemans, Presi-
dente di Stimami Sterilisami, ta splica.
E dia tawata repleto cu dealnan increibel
riba productonan nobo y uza di hotel, activ-
idadnan pa mucha cu a wordo organisa
door di e Marriott activities team, y varios
adopcion di cacho of pushi di Nine Lives
Foundation, Sgt Pepper’s Friends, y Luna
Foundation. E evento tawata un exito total
cu un number record di personanan cu a
atende. Tawata te asta tin un rij di cliente
wardando dos ora prome cu e evento a
cuminsa y casi tur producto a wordo bendi
den e prome oranan.
100% di tur fondo recauda lo wordo uza pa
cubri e costo di sterilisacion di cacho y pushi
via Stimami Sterilisami su campaña nacional
di sterilisacion. Stimami Sterilisami ta
invita henter pueblo y organisacionnan di
boluntario pa registra nan cacho of pushi
via www.stimamisterilisami.com pa asina
Stimami por continua cu su mision pa mitiga
e sufrimento di mascotanan bandona riba
caya.
23
