Page 26 - AM220913

Deporte AWEMainta Diamars, 13 September 2022

RCA a batisa uniform prome cu wega inaugural

.C.A. a batisa nan uniform division di honor y a presenta LI-
R FIDA su uniform y sponsor.
Durante un encuentro familiar SV R.C.A. a presenta na Prensa
nan staff Tecnico y hungadornan den division di honor 2022 –

2023. E merdia aki a bira un atardi festivo unda cu R.C.A. Lifida
U5 te cu U 20 a presenta nan uniform pa e Campeonato nobo aki.
Ta di remarca cu e uniform a bai bek den e tradicional strepinan
rood wit blauw. A haci presentacion di directiva nobo comis-

ario y team manager: Dennerich Kelly, 2nda Secretaria:Tiana
Leon, Secretaria: Arianne Westerburger, 2ndo tesorero: Anique
Corsen, Tesorero:Devin de Veer, Vice president: Jean marc Ras y
Presidente: Jeff Lopez.

Na September cu a pasa RCA a introduci un Technische Beleid
caminda cu nan ta haci nan muchanan central cu e mision pa e
muchanan sigui desaroya nan conocemento den futbol y asina

yuda den e crecemento di nos farmsystem. Cu e technische beleid
aki RCA kier logra cu tur mucha ta haya un cantidad adecua di
minuut di wega. Un team cu cantidad mas chikito ta haci cu nos
coach nan por tin un miho bista riba e desaroyo di cada mucha

futbolisticamente. Esaki sigur ta un reto paso RCA ta reconoci
como un di e clubnan deportivo di mas grandi na Aruba den
miembresia y tambe den titulo campeon of sub campeon. RCA
ta conciente cu si bo kier crea hungadornan di futbol di calidad

bo mester por dedica tempo na e muchanan y cu e Technische
Beleid nan ta desea pa haci esaki posibel. Esaki ta un meta cu
RCA tur hunto kier logra tanto como directiva, e hunta di tecnico,
mayornan y e hungadonan esaki ta nan meta. E directiva nobo

aki tin hopi metanan cu nan kier yega y ideanan cu nan lo bay
implementa pa 2023.

Un danki sigur ta bay na Lifida sponsors U9-1 Arcas & Partners,

Smith & Dorlas, KJ y Jean’s towing, U9-2 Smith & Dorlas, Jean’s
towing y KJ, U11- I Cinnabon, U13- 1 Aruba Bank, U20 Welcome
Back Snack, LIFIDA PROFRAME a sponsor tur division di Lifida te
cu U-13.

RCA a introduci su staff tecnico pa division di honor
Veron Albertz: Head coach
Milvienne henriquez: Assistant Coach

Gio Davelaar: assistant coach
Alain Croes: Conditie trainer
Felix malmaceda: Keepers trainer
Icho Mattos : Team fysio

Danny Kelly: Team Manager hunto cu Dennerich Kelly
Sra Mandy Leijenaar- Werleman di Bohama Aruba – Proframe y
srta Jessica De Veer di Tropical Bottling ta e sponsernan prin-
cipal pa Division di honor e aña aki. Despues di un presentacion

di hungadonan a batisa e uniform cu powerade y hungadornan a
sali pa prepara pa nan prome wega contra Santa Fe.

26