Page 26 - HOH 10 MAART 2016

Simar Te ainda no a logra sinta na mesa cu Minister di
Enseñansa pa trata e problema di e managernan na EPI

Wednesday, 09 March 2016 21:12
Comparti

Como miembro di directiva di Simar, Maroushka Cornelie a informa riba e status di e managernan di
EPI. Ultimo e managernan a pone trabao abao un rato pa mustra nan mal contento.

Despues di esaki a bin scucha di minister di enseñansa algun declaracion caminda cu por a conclui cu e
cronologia di loke a haci caba, minister ta un tiki bruha cun’e, ya cu e minister a papia di unfinished
business, p’e ta finished, pero en realidad no ta asina, ya cu tin varios componente cu a caba di negosha
nan. Tin un parti cu e managernan a acepta, pero tin partinan di e mesun aki cu a ser acepta cu no a caba
di haya claridad riba nan. Loke ta di lamenta ta cu a pidi minister na varios ocasion, pa sinta na mesa y
manera e mes ta bisa tambe den su declaracion cu na mesa ta yega na otro pero te awe Simar no a haya
un invitacion. Pa casualidad, ayera un carta a bay pa minister caminda e ta bisa cu tin un proposicion
nobo pa trece na mesa, cu lo por ta e solucion pa caba cu e problematica aki. Simar ta spera di haya
pronto un invitacion di su parti pa por sinta na mesa. Tin cu subraya cu den tur e tempo aki cu tin ta
negosha, ningun biaha e minister tabata hunto cu e mangernan na mesa y sindicato, pa e mes por scucha
y compronde kico precies ta e dolor di e hendenan aki y kico nan ta pasando aden. nan a boga pa
enseñans keda na prome luga. Nan a boga pa no stroba e proceso di enseñansa. Nan a para trabao mey
ora, no dos. Como cu nan ta manager nan no a stroba les y te ainda a scoge pa no saca nan coleganan
hunto cu nan pa stroba e proceso. Hopi pasenshi nan tin pasobra nan tin mas di diesdos aña den e
situacion aki y ta spera cu minister por duna oido y sinta na mesa cu e sindicato pa e asunto aki, Cornelie
a splica.

http://www.24ora.com/local-mainmenu-5/106214-simar-te-ainda-no-a-logra-sinta-na-mesa-cu-
minister-di-ensenansa-pa-trata-e-problema-di-e-managernan-na-epi