Page 30 - HOH 10 MAART 2016

Maroushka Corneli Ainda tin hopi pensionado ta traha den
enseñansa

Wednesday, 09 March 2016 21:05
Comparti

Tin varios maestro cu tin edad cu ta casi bay cu pensioen. Maroushka Cornelie di SIMAR, tin masha hopi
pensionado ta traha. Nan ta bay traha riba base di contracto, pero no por bisa cu cifra, pero si por bisa cu
mayoria di pensionado ta traha, pasobra tin mester, tin scarsedad di hende y tambe por compronde di
hopi pensionado cu simplemente nan no por keda cas.

Nan ta asina custuma y mara na e trabao cu tin algun hende cu tambe tin e necesidad. Sinembargo
generalmente, tin cu masha hopi pensionado ta den veld. Una bes cu ta cu pensioen, bo mester bay cas.
Stroba den e sentido cu despues di cada aña cu nan wordo pidi pa traha, ningun dunado di trabao ta
obliga pa tuma nan bek, den e sentido ey, pero tin algun hende hopi grandi, riba 70 aña cu ta yen di
energia pa traha, ta pidi nan bay cas, pero pa ley, no ta obliga pa nan traha. Ta wak cu tin hende cu ainda
tin e energia y e gusto di ta den enseñansa. Tin scarsedad pa maestro. Loke Simar ta pensa si cu e salario
cu un maestro di scol ta gana, compara cu otro diferente profesion, ora un hoben ta bay scoge, si e ta
pensa riba u entrada, e lo scoge mas lihe pa un otro direccion, ya cu mirando e peso di e trabao, mirando
e fama cu e trabao tin awendia, mirando e tareanan, e responsabilidad, compara cu e pago, ta hopi mas
facil pa un hoben scoge pa haci algo otro. Loke Simar ta haci si ta e ultimo aña di por ehempel IPA, ta
papia cu e hobennan pa nan bira miembro pa cuminsa y ta papia cunan tambe pa stimula otro hobennan
pa bira maestro di scol. Tambe Simar ta kere cu hendenan mas grandi cu kisas di algo cu nan ta haci por
scoge pa bay den e richting aki pasobra e ta un studie cu un adulto tambe por haci. E ta dificil pa
convence hende. No ta tur hende a nace pe, of lo scoge facil pe, mirando cuanto cos ta pasa den
enseñansa y pa e pago cu e ta ricibi. Desde e chikito te na e grandi, tin asina hopi problema social cu ta
drenta scol y esakinan ta haci cu e trabao no ta dje prettig ey mas. No ta facil pa scoge me, Cornelie a
finalisa.

Comentarionan (0)

http://www.24ora.com/local-mainmenu-5/106211-maroushka-corneli-ainda-tin-hopi-pensionado-ta-
traha-den-ensenansa