Page 32 - HOH 10 MAART 2016

E restructuracion salarial di maestronan ta sigur un logro
grandi pa Simar

Wednesday, 09 March 2016 21:08
Comparti

Por a tende den e dianan aki cu politiconan ta papia di restructuracion salarial di maestronan.
Maroushka Cornelie, miembro di directiva di Simar, tambe ta envolvi den esaki. Pa decadanan largo
Simar ta bin ta boga pa restructuracion salarial.

Tin awor aki desde cu minister Dowers a sinta, a boga pa coy tene duro y traha riba dje y esey a tuma
luga. Na momento cu e directivanan di scol mester a pasa e informacion pa su trahadonan, cual tabata e
siguiente paso, esaki a tranca y desde e tempo ey no a haci nada mas na dje. Ora cu minister Hooyboer-
Winklaar a sinta, a boga un biaha mas pa coy e rienda y traha riba dje y esey a tuma luga. A urgi e
minister p haci esaki ya cu e restructuracion ta algo hopi necesario y ta trahando duro den un stuurgroep
cu a keda institui door di un MB di e minister y hunto cu DRH, Directie Onderwijs, Ministerio di
enseñansa y SEPPA ta sinta tur siman structural mente traha riba esaki. Awor aki tin’e hopi bon riba pia.
Ta yegando na final. E ta bay wordo implimenta desde Augustus e aña aki, cual na prome instante kier a
wordo cambia pa Januari, pero a insisti cu mester caba cune y implimente na Augustus. Tur cos ta
canando nechi. Loke cu Cornelie a agrega ta cu a palabra den e stuurgroep cu no ta saca ningun
informacion y lastimamente informacion sali, na prome luga door di e minister mes y tambe despues
door di un parlamentario. No sa si mas a haci’e, pero e intencion no tabata pa divulga nada ainda, esaki
pa evita mal comprondemento y mal informacion sali y evita wega politico cu e informacion y pa tur cos
cana netjes. Awo cu el a sali un tiki caba a palabra si cu no ta saca nada mas tanten cu no ta cla. E
stuurgroep ta casi cla pa bay awor na e trahado y pa e haya tur e informacion necesario pa esaki, Cornelie
a splica.

http://www.24ora.com/local-mainmenu-5/106212-e-restructuracion-salarial-di-maestronan-ta-sigur-
un-logro-grandi-pa-simar