Page 31 - HOH 10 MAART 2016
P. 31
Ministerio di Enseñansa y Universidad di Aruba ta invita pa
lectura
Wednesday, 09 March 2016 20:20
Comparti
Den cuadro cu e meta pa explora oportunidadnan di diversificacion di nos sistema di Enseñansa,
Minister Hooyboer-Winklaar a invita Sr. Michael Leshner Di International Baccalaureate (IB) pa bishita
Aruba.
E bishita di Leshner na Aruba ta consisti di un programa cu ta inclui entre otro un seminario pa tur
stakeholders den nos enseñansa riba nivel di maneho y directivanan di scol como tambe un presentacion
pa publico en general. Ambos e seminario como e lectura pa publico general ta e prome paso den e
proceso di exploracion y e discusion nacional riba e ambicionnan di Gobierno di Aruba y Minister di
Enseñansa pa diversifica nos sistema di educacion aki na Aruba.
Minister Michelle Hooyboer-Winklaar ta enfatisa cu tin un necesidad y demanda grandi pa diversifica
nos sistema educacional na Aruba, pa asina crea mas opcion y oportunidad pa mayornan y alumnonan. E
urgencia pa diversificacion tambe ta basa riba e necesidad pa nos sistema educacional ta un miho
reflexion di nos contexto local y nos economia.
Ministerio di Enseñansa conhuntamente cu Universidad di Aruba ta invita un y tur pa e ta lectura
interesante pa publico titula “Diversifying the educational system in Aruba: the possible introduction of
the International Baccalaureate”.
E lectura aki lo tuma luga diahuebs 10 di maart den e aula di Universidad di Aruba y lo cuminsa pa 7:30
di anochi.
