Page 33 - HOH 10 MAART 2016

SIMAR E restructuracion salarial nifica adelanto pa cada
maestro

Wednesday, 09 March 2016 21:09
Tweet

Comparti

Den e proceso di restructuracion por bay mira un adelanto pa cada maestro. Ningun hende ta bay wordo
stroba, ningun hende no ta bay atras tampoco. E restructuracion su meta ta pa e trahado por haya
caminda pa crece. Actualmente den enseñansa ta drenta, a base di bo edad y a base di e tipo di enseñansa
cu bo ta traha, bo ta haya un salario.

For di eynan ta cuminsa cana y cada dos aña bo ta haya un aumento chikito y bo ta yega na un top ora bo
yega 38 aña di edad. Esaki ta bay cambia. Door di e restructuracion, e trahado ta haya espacio pa crece.
Esey ta depende di su mesun esfuerso, di su mesun decision si e kier cambia y bay dilanti. Awor aki no ta
bay basa mas riba edad. Ta bay basa riba bo trabao, riba input. Crecemento ta bay ta hopi mas posibel,
manera cu e sistema ta actualmente. E situacion tabata frustrante, vooral pa esunnan mas grandi,
esunnan cu tin mas aña den enseñansa. Ora cu bo tin añanan largo aden y yega 38 aña, bo tin desde e
edad ey, te cu actual, ta gana e mesun salario, mientras cu tur sa cu costo di bida ta subi cada bes mas y e
maestro di scol ta pega na e salario ey pa mas di 25 aña sin haal aan indexering, cu ta un minimo masha
chikito y cu no tin aña pagando. No por papia tampoco di cu premie cu ta hayando ta aumento salarial,
pasobra esakinan no ta hinca den e salario cu ta yuda mañan cu pensioen. E ta algo cu ta molestia
trahadonan pa hopi aña y awor aki por fin ta bay implement’e. No ta cuestion cu e ta bin cu pensioen
retroactivo. Esey ta algo cu ta bezig cune pa wak kico por logra cu ta haya di ta un tiki atras. Como
sindicato esey ta algo cu ora cu papia cu e miembronan, ta bay wak con nan ta bay reacciona riba dje,
pero si ta kere cu mirando e situacion di nos pais, como sindicato, mester keda responsabel y realistico.
Tin di compronde di e minister, tin fondo pa haci esaki. Kiermen cu lo bay boga si pa duna e trahado loke
e merece, Cornelie a splica. Tin cu enfatisa cu esaki no lo bay ta un aumento salarial. E ta un
restructuracion di sistema salarial. Kisas ta bay wordo poni den un bracket caminda cu ta wak cu a bay
un tiki dilanti. Patras no lo bay, pero no por papia di un aumento. Esey mester ta bon cla, pasobra ya ta
papia eyfo di aumento salarial y esey no ta e caso. Si e maestro kier crece y tin drecho cada biaha bay
puntra pa un gesprek pa wak con a bay dilanti y a base di esey por crece. E stuurgroep ta warda e
momento indica, caminda cu tur directiva di scol y tur trahado ta haya e informacion igual na e mesun
momento. Simar ta den e envolvi y Seppa como sindicato, DRH, Directie Onderwijs y Bureau di Minister
di Enseñansa. E restructuracion ta un logro hopi grandi. Desde cu Simar ta existi, nan a boga pa e
restructuracion aki. Den ambtenarij, trahadonan den tur sector por subi di schaal y esey no ta conoci den
enseñansa. Pa Simar ta importante, pasobra si compara e responsabilidad y tareanan di esnan cu ta traha
den enseñansa, compara cu otro ambtenaarnan, e ta ridiculo e diferencia cu tin ora cu wak salario. Asina
mes tin cu bay pensa awo riba un aumento, pero esey ta bira un otro paso di parti di Simar, Cornelie a
finalisa.

http://www.24ora.com/local-mainmenu-5/106213-simar-e-restructuracion-salarial-nifica-adelanto-pa-
cada-maestro