Page 8 - HOH
P. 8
28 COMUNIDAD AWEMainta Dialuna 10 November 2025
Aruba Lions Club cu invitacion pa charla di diabetes
ta invita henter pueblo di Aruba pa ta presente na un otro anochi
informativo den cuadro di e enfermedad di diabetes.
E fecha ta November 12, 2025, pa 6’or di atardi y lo ser teni den
Aula grandi y cu stoelnan hopi comodo na Xavier University na
Santa Helenastraat 23 y e entrada ta completamente gratis. Lo
tin suficiente espacio pa parkeer y pa 5.30 pm caba publico por
cuminsa yega.
Hunto cu Dr. Omkar Puvvala, Dr. Prasad y POH Alfons lo duna tur
e informacion necesario con pa preveni diabetes y si ya bo tin e
enfermedad aki kiko tur lo bo por hasi pa hiba un mihor calidad di
bida.
November 14, a ser declara Dia Mundial di Diabetes, y pa conci-
entiza nos comunidad y como parti di e programa di Lions Club
International nos ta presenta e actividad aki pa nos comunidad en
general. Aruba Lions Club sirbiendo e Pueblo di Aruba pa 78 aña
caba ta convenci cu mas informacion bo tin, mihor bo por cuida y
preveni e malesa aki, y si ya bo tine lo bo haya informacion valioso
pa sigi cuida y mehora bo calidad di bida apesar di reto nan cu
por presenta.
Aruba Lions Club y Xavier University Aruba ta warda tur interesado
E team di Aruba Lions Club cu colaboracion di Xavier University pa e charla interesante aki riba 12 November 2025 pa 6or.
