Page 70 - MIN ECEM 23 JUNE 2017

Dia 13 di Juli lo bay tin un debate politico constructivo:
millenial edition

Thursday, 22 June 2017 20:55
Comparti

Queen Anne Bergen ta den e comision cu lo organisa e debate politico constructivo. Nan a bin hunto pa
organisa e evento cu un meta. Kier organisa e debate riba un nivel. Ta un debate dirigi riba millenials.

Tin grupo grandi cu lo vota pa prome biaha. Queeny Bergen a splica mas riba e motibo di e debate. Tur
dies partido ta participando y kier trece e oportunidad pa haya vision di tur e partidonan.

Nan ta un grupo di mas of menos 20 hoben, millenials, esta young professionals, a bin hunto
specificamente pa organisa e debate di millenials. Cada un tin diferente antecedente, diferente punto di
bista y opinion, pero cu un solo meta y tarea, esta pa organisa e debate riba un nivel y trece e
organisacion dilanti. E debate politico constructivo, ta un millenial edition pasobra cu apesar cu e enfasis
ta mas riba millenials, pasobra hopi di nan ta votadonan pa prome biaha y ta wordo organisa pa
millenials tambe.

E tres oradornan di e conferencia di prensa aki, ta adultonan hoben entre edad di 18 pa 35 aña. A base di
esey a yam’e e debate politico constructivo: millenial edition.

Bergen ta orguyoso pa bisa cu tin tur dies lider participando, manera ya menciona y esaki ta e meta. Pa
trece oportunidad, informacion pa tur hende, en especial e millenial voternan y first time voter, pa tin e
oportunidad pa haya tur e partidonan nan vision, meta, solucion y punto di bista, etc., manera ya
menciona caba.