Page 74 - MIN ECEM 23 JUNE 2017

Hopi partido lo tey den e debate dia 13 di July den Cas di
Cultura

Thursday, 22 June 2017 20:43
Comparti

Byron Werleman tambe ta den e focus group trahando riba e debate cu otro profesionalnan hoben.
Diahuebs, dia 13 di Juli e debate lo ta den Cas di Cultura. E ta cuminsa pa 7’or en punto y caba 11’or
aproximadamente.
E partidonan cu ta participando ta hopi. E partidonan ta ABO, representa pa su lider Elton Lioe-a-Tjam.
Partido AVP, representa pa prome minister Mike Eman. Partido Curpa, cu sra. Christina Lampe. Partido
MAS, cu sr. Holmo Henriquez. Partido MEP, cu sra. Evelyn Wever-Croes. Partido POR, cu sr. Otmar
Oduber. Partido PPA, cu Benny Nisbet. Partido Rais, kende lo anuncia despues lider di su partido.
Partido RED, cu sr. Ricardo Croes y finalmente Partido UPP, cu sr. Booshi Wever. Ticketnan ta 10 florin
y despues di dia 1 di Juli, e lo bira 15 florin pa ticket. Tin un quota di maximo 2 ticket pa persona. Mester
tin un ID valido pa cumpra ticket. Porta lo ta habri for di 6’or di atardi. Partidonan y organisacion tambe
por cumpra carchi y tin un maximo di 10 ticket pa esaki.

Concerni pa futuro
Stephanie Boekhouwer ta forma parti di e debate constructivo. Nan ta grupo amplio di hobennan cu a bin
hunto cu grupo pa contesta e preocupacionnan cu e hobennan tin cu nan tin e eleccion venidero. Tabata
tin varios encuentro pa asina bin cu idea y asina formula un formato cu nan ta sinti cu lo por brinda e
contestanan aki, na un manera constructivo y husto pa tur partido participante.
A bin cu un formato caminda cu lo bin cu un moderador. E lo bay haci e preguntanan. Ademas tambe e lo
percura cu tur participante ta keda al caso, pero tambe ta contesta nan pregunta, te na dado tempo.
Ademas tambe pa wak tambe cu e participantenan no ta falta respet. Na fin di dia e ta un debate cu tin cu
keda constructivo y husto pa tur personal. Si mira desviacion, lo corta microfono pa sigui pa e siguiente
pregunta. E prome buelta, lo bay tin pregunta cu diferente topico cu lo puntra na tur dies participante.
Nan por contesta riba esaki. Despues lo bay tin un break chikito. E di dos buelta ta bin unda cu lo yama
cada biaha dos participante y e resto ta keda patras di escenario. Loke ta bay ta un tiki diferente ta cu ora
e dos participantenan riba escenario, ta debati, pero e hendenan patras, tin e oportunidad na e momento
ey pa scoge si nan tambe kier pitch in riba e debate. Pero esaki cada participante ta haya un chens so. Si
tin 5 buelta di debate ta andando, tur hende mag di scoge di e cinco biaha nan ey un biaha cu nan por
elabora un tiki mas of participa na e debate aki.