Page 73 - MIN ECEM 23 JUNE 2017

Fuel Oil ta enemigo number un di WEB

Thursday, 22 June 2017 20:35
Comparti

E fuel Oil ta e enemigo number un di WEB segun Luis Oduber. WEB a traha semper cu steam pa draai e turbine di vapor. A keda busca
alternativa buscando motornan Recipe.

Di 2006 pa awo a baha 46% di uso di Fuel Oil. Loke ta haciendo awo ta opera cu un sistema unda ta uza menos fuel oil. Boiler ta un ekipo
menos eficiente. WEB ta bezig finalizando pa logra drenta cu gas natural.

Na 2005/2006 a haci estudio. E tempo ey Fuel Oil tabata enemigo number uno di WEB, manera cu a wordo menciona. A haci cambionan
drastico. Prome cu 2006 WEB a opera practicamente na tur tempo riba energia di produci steam, ta draai e turbinanan di pafo pa produci
awa. Mirando e costonan cu ta subi drasticamente na e momento ey, a busca alternativa y a introduci motornan Recipe, manera conoci y ta
introduci energia renobabel y tambe a cambia e proceso di produci awa. Esey a resulta overall cu a haya un reduccion for di 2006 pa awor
aki di casi 43% di fuel oil menos ta wordo consumi awendia. Pueblo ta puntra dicon no ta haya un rebaho di 46%. Esey ta pasobra e
inversionnan tin pa wordo paga y naturalmente ta sigui inverti pa por garantisa e suministro. E ta un proceso. No ta 100% riba motor ainda.
Ainda tin boiler den servicio. Locual ta haciendo ta hunto cu Departamento Tecnico, departamento di operacion cu enbes cu den pasado
tabata opera por ehempel 7 boiler, awor aki ta operando cu 2 boiler normal mayoria di tempo y caminda ta necesario ta start un di tres
boiler. Tin cu tene na cuenta cu un boiler ta un ekipo di produccion menos eficiente, pero mester acapara cu esey por lo tanto te ora cu bin
na un decision.

Ta bezig ta finalisa estudionan. Pa otro luna lo tin un miho bista riba desaroyo di gas natural. Esey tambe lo bay bira un cambio drastico ora
cu haya cifranan, e ora wak kico esey ta bay trece pa futuro.

Den pasado tabata depende riba e fossil fuel y esey tabata hisa baha e tarifa hopi. Na 2012 a stabilisa e prijsnan caminda cu no tabata tin
cambio di tarifa durante aña. 2014 a ta ultimo biaha cu a aumenta e prijs un tiki di coriente pero en general ora cu a reduci prijs a baha mas
cu el a subi. Desde e tempo ey a bin ta reduci’e cada biaha. Luis Oduber a splica tin cierto parti di aña cu merdia mester start e boilernan. Un
di tres boiler den operacion. Boiler ta un sistema robusto pero no ta eficiente. Locual ta haciendo awor aki, ta e periodonan cu no tin tres
boiler den operacion ta start e turbina di gas riba diesel, na momento cu tin un demanda halto. Parti merdia ta start’e un rato y despues
pag’e. Ta consumiendo extra diesel pa start riba e fuel oil. Na e momento cu Sunrise Keda cla, e ta bay yuda den produccion di energia net
durante e piek di merdia, cu lo mester bay uza e gasturbina menos. Ta bezig tambe ta explorando e posibilidad pa bin cu un planta solar
ainda mas grandi compara cu Sunrise Solar Park. Idea tras di esey cu si logra haya terenonan cu lo por saca un motor mas for di servicio
completamente. Esey ta bay ta un cambio basta grandi.

Permisonan necesario

Sunrise Solar Park, permisonan ta den proceso. Tin di compronde cu no ta asina dificil pa haya e construccion pasobra no ta bay tin un
construccion halto ni pisa. E ta bay ta practicamente riba vloer e ta bay wordo instala. Tambe e tereno a control’e, caminda cu ta confirma cu
no tin nada di locual ta preocupacion halto cu tabata tin asbest of contaminacion na parti caminda cu ta construi. No tin nada eynan.
Parke di Molina

E parke di molina ta keda den dje. El a demostra di ta un energia renobabel hopi factibel y principalmente cu e ta produci durante 24 ora.
Solo, manera nos tur sa, den dia e ra produci un rato y despues e no ta yuda. Tin pa produci e energia na manera convencional, mientras cu
biento bo tin’e 24 ora pa dia y por saca miho probecho di dje.