Page 11 - AB

DIABIERNA 23 FEBRUARI 2024 DIARIO PAGINA 29
Aduana na Hulanda a haya 70 kilo

di cocaina riba Dia di San Valentin

ROTTERDAM: Aduana Hu-
landes a confirma, cu siman
pasa net riba Diaranson 14
di Februari 2024, esta Dia di
San Valentin, nan a bin in-
tercepta dos cargamento di
droga den Waf di Rotterdam.
Hunto nan a logra acumula y
yega 70 kilo di cocaina, cu
riba caya tin un balor di como
5 miyon Euro.
E prome cargamento cu nan
a haya, a pisa 50 kilo y tabata scondi den un container con-
teniendo Blueberries proce-
dente di Peru. E frutanan aki
tabata destina pa un compania
na Zuid Holland. E negoshi
aki supuestamente tin nada di
haber cu e contrabando aki.
E otro cargamento ta di 20
kilo. E pakinan tabata scondi
den un container cu bacoba
cu a yega for di Costa Rica.
E cargamento di fruta tabata
destina pa un compania cu
posiblemente tin nada di hab-
er cu e contrabando.
E droga a wordo haya cu
yudansa di HARC-Team, cu
ta un organisacion cu ta existi
27 aña caba, y ta un coop-
eracion entre Aduana, FIOD,
Zeehavenpolitie, y Ministerio
Publico na Rotterdam.

Siguiente proyecto
di Agroforesteria
lo ta na Colegio
Conrado Coronel

ORANJESTAD (AAN): E
proyecto di agroforesteria na
scolnan basico ta continua!
Lamentablemente diasabra
awor no lo bay door mas na
Play2Whizz Campus, pero si
lo sigui cu Colegio Conrado
Coronel diasabra 2 di maart
7'or di mainta te cu 1'or di
merdia.
Bin forma parti di e bunita
proyecto aki pa traha un har-
din di alimentacion cual ta un
herment educativo, ademas
ta sirbi como un empuhe pa
muchanan haya e entusiasmo
pa sigui planta na cas cu un
mentalidad di provee pa nan
mes.
E proyecto ta bou guia di
Santa Rosa Aruba y Living
Soil Aruba pa asina apoya
scolnan basico pa incorpora
sector primario como un her-
ment educativo. Danki na tur
esnan cu a aporta te awor y te
diasabra 2 di maart na Cole-
gio Conrado Coronel!