Page 21 - MIN JUS 1 MAART 2016

Reglamentonan nobo riba ziektemelding lo wordo
implementa entrante luna di Maart

Monday, 29 February 2016 21:41
Tweet
Comparti

Den e dianan aki KIA ta den noticia y tin un situacion caminda cu lo cuminsa implementa cierto
reglamento. Ta riba esey mes a combersa cu Minister di Husticia, Arthur Dowers. A papia caba riba
ziektemelding, pero awo tin cu pensa riba un solucion. E mandatario a splica cu e reglamento ta bay bin
na vigor na Maart.

Importante pa splica pasobra hopi biaha ora papia di un reglamento asina aki, personanan ta kera cu ta
algo di otro mundo. Sinembargo ta ponemento di tur stipulacion cu tin sea den ley of den maneho caba
di e organisacion, riba un rij y bisa tur hende cu awo ta informa di esey y ta spera cu ta tene na e reglanan
aki. E punto di salida mas principal ta cu cada hende cu ta traha den e institucion aki, ta bay comporta
nan mes segun LMA ta stipula y tin cu comporta como un bon trahado. Si kier meld ziek, ta un derecho
di cada trahado. No ta asina cu gobierno ni ningun dunado di trabao por prohibi di meld ziek. Pero
ziekmelding ta algo stipula den ley cu ta dirigi riba un hende cu ta malo. No ta asina cu ta bay dicidi di
bay fiesta of djis cu bo ta cansa of bo a pidi un vrije dag y hendenan no kier duna, a rabia y ta meld ziek.
Eseynan ta sosode y ta keho den e organisacion y pa preveni tipo di cosnan asina, mester stipula ki
momento y con bo ta meld ziek. E punto di salida ta meld ziek dos ora prome prome cu e warda cuminsa.
Esey ta stipula. Si acaso cu meld ziek riba e dia cu bo ta trahando, pasobra tin hende ta trahando caba y a
bira malo, por bandona bo trabao. Sinembargo e momento ey ta cuminsa conta como prome dia di
ziekmelding. Consecuentemente e dia despues tin cu meld na SVB. Tin un areglo tambe stipula caminda
cu a dicidi cu banda di e ziekmelding, caminda cu un persona ta tradicionalmente meld ziek y despues di
esey e ta dicidi si e ta bin traha si of no, manera cu e kier, esey no ta bay acepta mas y ta bay behalve bisa,
cu ta raporta e trahado cu por tin consecuencianan disciplinario tambe. Hopi biaha ta mira cu
personanan cu berdaderamente ta malo y ta wordo limita den nan libertad, door di esnan cu ta haci
malo, a dicidi pa bin cu un areglo diferente pa esnan cu ta meld ziek frecuente y esnan no frecuente. E
frecuent ziekmelding, ta un persona cu ta meld ziek 2 biaha dentro di 28 dia. E ta wordo buta riba e lista
di frecuent ziekmelder, caminda cu tin un regimen cu lo conta specialmente pa e trahadonan aki y ta
stipula exactamente ki momento bo mester meld ziek y na ken mester meld ziek y esey ta den e
reglamento poni, caminda cu dos ora prome cu e dienst cuminsa y a cada dienst e ta stipula tambe. Si un
persona cu a meld ziek ta haya AO di e dokter, tambe ta stipula kico ta e rekisitonan cu tin cu tene cuenta
na dje.

http://www.24ora.com/local-mainmenu-5/105839-reglamentonan-nobo-riba-ziektemelding-lo-wordo-
implementa-entrante-luna-di-maart