Page 44 - Extra

44 Djasabra 19 Mart 2016

Kontinuashon di pag. 6 SOSEGA NA PAS
VIKTIMA A FAYESE

a tèrminá den su morto.
Pa kolmo e arma di kandela
ta unu ku e víktima lo a
dun’é pa warda.

E bala a drenta den
kurpa, e parti robes di e
víktima i a perforá un ader
prinsipal. Dor di esaki e
víktima a sangra muri. E
víktima a keda bentá kantu
di kaminda den Kaya Tula.

Bacuna a konta ku e
tabata den diskushon ku e
víktima. Dado momentu e
mama a bin para meimei di
nan. E mama a keda bisa e
víktima pa bai for di e sitio.
E mama a logra di pusha e
akusado hinka den kurá.
Pero nèt nan e momentu ei
e víktima tambe ke a drenta
e kurá.

Segun Bacuna, e mama
a pusha e víktima kende
a kai abou na suela. E
víktima no a gusta i a lanta
bai riba su mama. E ora ei
el a hisa e arma di kandela
i di un forma masha straño
bala a sali kue e víktima
mortalmente.

Leomar no por a bisa
ta kon e “gai” dje arma
a bai i ku bala a sali. E ta
hasi apelashon ku loke a
pasa ta un aksidente. Esta
aksidentalmente e bala
a sali. Pasobra lo mester
tabatin un momentu di
forsageo p’e bala sali
alkansá e víktima.

Leomar a bisa ku el a
saka e arma di kandela ta
pa kita e víktima i sobrá di
hendenan for di su porta di
kas. No tabata su intenshon
di kita bida di niun hende.

Despues di esei,
Brigitha, un hòmber para
den bisindario, a manda
e akusado ku un bòter.
E akusado a bira tira e
hòmber aki tambe. Pero
segun Leomar, e no a tira
dirigí riba Brigitha, pero den
su direkshon. Brigitha no a
haña bala.

Mirando e deklarashon
dje akusado riba posishon
dje arma, wes a disidí
pa posponé e kaso pa
grabashon ku tin, kaminda
por mira e tiroteo ta tuma
lugá.

Den luna di yüni lo wak
e grabashon ku tabatin i pa
seguidamente fiskal hasi su
demanda.