Page 15 - MIN JUS

- Advertisement -

Benny Nisbet:

ORANJESTAD (AAN): Benny Nisbet di PPA ta haya cu Gabinete Mike Eman 2 a hasi un
intento tristo pa desvia atencion di e hecho cu un minister di su gabinete, esta Paul Croes, a
wordo deteni.

Segun Nisbet, un minister di gabinete Eman 2 a wordo deteni pa Ministerio Publico despues
di un investigacion profundo, unda cu OM no lo a aresta un minister, si no tin suficiente
indicacion fuerte pa mustra cu e minister lo por a hasi cierto actonan contra leynan di
Aruba.

“Nos di PPA ta considera e caso aki un caso hopi hopi serio mes”.

“Un gobierno cu ta respeta su mes, lo a pidi minister Croes pa entrega su retiro for di varios
siman atras ora cu e desaroyo a inicia, pasobra bo ta afecta e imagen di pais Aruba y di
gobernacion di pais Aruba”

“Con por ta posibel cu a laga señor minister Croes cu asina yama vacacion durante asina
hopi siman?”.

Esaki segun Nisbet, kende a sigui bisa cu locual ta mas notable ainda ta cu 48 ora despues
cu Croes a wordo aresta, casi no a tende mucho di Prome Minister, kende ta encarga cu
responsabilidad di gobernacion di pais Aruba.

“Esey ta un insulto contra e sabiduria di e pueblo di Aruba”.

Nisbet ta haya cu Eman a core sconde, despues cu Croes a wordo deteni.

“Pesey a yega momento pa abo tambe bay”, segun Nisbet, kende ta haya cu Eman mester a
duna un comentario bastante lihe y cu e mester a baha e minister.

E ex lider di PPA ta haya cu diripiente gabinete Eman a hasi un esfuerzo pa kita e atencion
for di detencion di Croes, door di pidi minister Mike de Meza pa tene un rueda di prensa pa
papia riba boramento di gas cu ta bay tuma lugar te na 2018, ariba e dia cu Croes a wordo
deteni.

“Señores, ban lanta for di soño”.