Page 13 - AM210227

Diasabra, 27 Februari 2021 AWEMainta 13

Luna di maart ta un luna pa celebra Trabou Social

MUNDIALMENTE e luna di maart ta wordo mira como e
luna di Trabou Social. Mescos cu resto di mundo, Aruba tambe

ta pone atencion na Trabou Social, especialmente awor den e
pandemia.

E aña aki, riba 16 di maart ta Dia Mundial di Trabou Social y
e tema central di trabou social mundialmente ta “Fortalece
Solidaridad Social y Coneccion Global ”.

Universidad di Aruba su programa di Social Work and Development
ta para keto riba kico esaki ta nifica den nos comunidad y con nos
por bisa danki na tur esnan cu ta eherce e profesion valioso aki.

Nos tur kisas conoce un trahador social cu a haci un impacto den
nos bida. Ki impacto positivo el a trece pa bo? Na ki forma el a
mehora bo calidad di bida?

E luna aki e palabra Trabou Social lo wordo usa poco mas cu

normal den nos seno social p’asina comunidad compronde con
importante e profesion aki ta na nos pais. Especialmente den e
pandemia di Covid-19, caminda e Trabou Social ta un trabou

esencial cu no por falta den ningun sector tanto social, laboral y
di bienestar den nos comunidad. E mision di cada trahador social

profesional ta pa mehora e bida di un ser humano y acudi pa yuda
unda cu por n’e necesidadnan basico di tur hende, cu mas atencion
pa yuda empodera esnan mas vulnerabel den nos comunidad cu ta

oprimi y/of bibando cu menos recurso.

Na Aruba nos conoce mas cu 130 trahador social, di kende un gran

parti ta aporta na nos comunidad den diferente ramo, trahando
cu diferente bario, cultura, mucha-, hobennan, nos grandinan y

esnan afecta pa Covid-19. Di e manera aki, bo lo encontra un
of mas trahador social na scolnan, na hospital, den bario, den
companianan. E trabou ta mas grandi cu hopi ta pensa y sigur

uno indispensabel pa nos comunidad. Asina ta, si bo a encontra
un trahador social awe, ta su luna pues bise danki. Y si bo no
conoce e profesion ainda? Sera conoci cu e profesion y bishita

http://www.ua.aw/faculty-of-arts-and-science/swd/ pa sa mas.
Of bishita nos website www.ua.aw, Instagram of Facebook page.