Page 17 - AM210118
P. 17
Dialuna, 18 Januari 2021 AWEMainta 17
Patruya di polis a perde control y dal contra
cura di cas riba Caya G.F.Betico Croes
DIADOMINGO madruga tabata basta keto, pero algo a
bay robes pa un patruya di Playa. Den careda di 1:45 a.m
Polis a haya nan mes envolvi den un accidente no serio.
Pariba di Cayena Mall pa un of otro motibo Polis a perde
control, kita bay links y dal contra cura di un cas.
Den algun minuut mas colega a yega n’e sitio y tambe un
superior pa tuma nota di loke a pasa. Riba e caminda por
a mira un bocht grandi pa drenta e caya pariba di Cayena
Mall cu ta Tarabanaweg.
E auto no por a core mas y mester a pidi un takelwagen pa
move y bay cu ne. Seguro a presenta pa saca foto y tuma
dato.
Pa loke t’e dos agentenan un masculino y femenino mester
a saca nan pertenencianan y a bay den un otro patruya.
Nan mester bay splica kico nan tabata haci cu a perde con-
trol riba e auto y accidenta.
