Page 16 - HOH

grandi manera Inglatera of Canada y ta ripara cu e crecimento di e gastonan di cuido ta
dentro di locual ta e averahe normal.

Tchong a bisa cu semper esaki tabata varia den dos pa tres porcierto, cu ta un

crecimento, compara cu otro paisnan, basta bon, controla.

Aworaki tin diferente proyecto andando. Un di nan tabata cu Hospital unda a dicidi cu ta
bay over na un edificio nobo y renoba e otro parti cu ta ImSan cu a bay amplia y a

dicidi cu ta bin eynan otro tipo di cuidonan manera di wowo, tratamentonan adicional
cu antes no tabata tin y cu mester a bay exterior.

AZV por premira cu nan porcentahe di crecimento pa loke ta e gastonan di cuido cu

antes tabata entre 2 pa 3 porciento, esaki lo bay yega sigur rond di 4%. Esaki ta
pasobra tin e proyectonan aki andando cu ta bay causa un influencia directo ariba e
fondo cu ta un fondo di rond 480 miyon florin pa aña, Solange Tchong a remarca.

Ta espera cu esaki ta bay crece pa motibo di e impacto di e tipo di inversionnan aki.
AZV tin como rol, a agrega, cu e tin cu monitoria e calidad di cuido, e accesibilidad pa
esaki por keda.

https://www.diario.aw/2019/12/azv-ta-premira-crecimento-di-4-porciento-pa-loke-ta-e-gastonan-di-
cuido/