Page 19 - HOH

Otro factor cu tin ora ta hunga un rol pakico un pashent por tarda mas, ta cu na momento

cu ta sali for di Aruba tin un plan di tratamento poni riba mesa y tambe tin un idea di kico

ta bay ta e tratamento medico mes. Pero no tur ora den loke ta nos salud of loke ta nos

condicion e situacion ta mesun cos. Tin ora bo ta hayabo cu bo ta yega Colombia y e

momento ey toch na momento di haci screening, control, ta bin haya sa cu tin mas cos ta

hunga un rol.

E ora ey bo ta hayabo cu e proceso por dura un poco mas largo, pasobra AZV tin cu bay

evalua bek e situacion di e pashent, y hunto cu e dokter na Colombia ta bay dicidi kico ta

e miho pasonan pa tuma.

Pues, bisando esey, e ta nifica cu un tratamento medico den exterior tin ora por tarda pa

diferente factor. Bo tin e factor humano, esta e salud mes di e pashent. Con e curpa ta

tratando of ta reaccionando riba e tratamento.

E otro factornan cu tin por ehempel ta si b’a hayabo den situacion cu un cita mester a

wordo hala pa motibo di otro emergencia of por ehempel a yega y net un dia cu aparato a

daña of mester a haci mantencion na cierto aparatonan cu consecuentemente e clinica den

exterior tambe mester bisa cu tin cu reschedule pasobra tal cos a sosode.

Pa loke ta entre 1300 y 1400 pashent cu pa aña ta sali for di Aruba pa bay exterior, por

bisa cu esaki no ta sosode hopi y AZV ta contento cu esey pasobra ta purba keda di

monitorea e clinicanan bon y percura pa nan keda skerpi den e servicio cu nan ta duna.

Por comenta cu AZV e aña aki a tene algun sesion informativo, specialmente pa e grupo
di pashent cu a bay Colombia, unda AZV mes ta invita e aseguradonan y nan compañante

social pa nan participa na sesionnan informativo, unda cu ta comparti cu otro e

experiencianan cu e clinicanan den exterior.