Page 21 - AM201217

Diahuebs, 17 December 2020 AWEMainta 21

Trailer a kima na Sababa Basora Noord y

un persona mester a wordo hiba Hospital,

daño material ta grandi

DIARANZON merdia den careda di 2:30 informacion
a drenta cu lo tin un cas of trailer na candela na Sabana
Basora Noord.
Na yegada berdad Polis a topa un trailer completamente
na candela y cerca tabatin un auto.
Vlamnan tabata grandi y esaki a causa bastante daño
na muraya di e cas.

Un auto cu tabata cerca a logra wordo hala na ora p’e
no kima. Mientrastanto varios unidad di Brandweer a
yega y a cuminsa combati e candela.
Durante cu esaki tabata pasando Polis a logra evacua
tur hende cu tabata core peliger.

Na final ambulance a wordo pidi debi cu un mucha a
kima na su pia y na yegada di Paramediconan a opta
pa hibe Hospital pa mas tratamento. Slachtofferhulp y
Recherche tambe a presenta n’e sitio.

Turista a trompica y a cay riba klinkers

cu tabata poco lanta, heridando su mes

DIARANSON den careda di 10’or y 50, presencia
di Polis y ambulance a wordo pidi n’e walkway den
area di Holiday Inn Beach Resort pa un persona cu
a cay y a keda herida.
Na yegada di Strandpolitie nan a topa cu un pareha
turista di edad riba e walkway. E homber tabata
drumi riba vloer y e tabatin un kap na su frenta cu
tabata sangrando hopi.
Mesora e Polisnan a cuminsa tuma tur dato, mientras
nan tabata wardando riba e yegada di ambulance.
E pareha a conta Polis cu nan tabata canando y e
homber lo a trompica riba e klinkernan cu lo tabata
un poco lanta, el a cay y a kap su frenta. Tambe e
homber lo a haya algun sla na su curpa.
Paramediconan di ambulance a presenta y a trata e
homber turista. E pareha turista ta di Ohio y nan ta
hospedando na Costa Linda Beach Resort.