Page 16 - AM201217

16 AWEMainta Diahuebs, 17 December 2020

15 Dia di Gratitud – Christmas Challenge

DIA 18 di november 2020, den cuadro cu Dia Internacional di
Derecho di Mucha, e siman di lantamento di mucha y e tempora-
da di Pasco cu ta tan spera, Fundacion Pa Nos Muchanan a pre-

senta nan ‘Christmas Challenge’ cu yama “15 Dia di Gratitud.”

Un di e derechonan di un mucha proclama pa Nacionnan Uni
ta cu cada mucha tin derecho pa tin un cas, paña, alimentacion
sano y awa limpi pa bebe. Mirando e situacion actual, esaki a

bira un reto pa hopi famia. Famianan ta pasando duro p’asina

pone cuminda riba mesa pa nan famia. P’e motibo aki, Funda-
cion Pa Nos Muchanan a bin cu e ‘Christmas Challenge’ aki pa
recauda alimentacion pa famianan den necesidad.

Cu e proyecto aki Fundacion Pa Nos Muchanan a logra recauda

mas cu 400 caha di gratitud cu a wordo entrega na famianan den
necesidad of na organisacionan cu ta yuda e famianan aki. Nos
kier gradici cada persona, famia, compania, organisacion, scol y

Centro di Cuido di Mucha cu a aporta n’e challenge. Un danki

special ta bay pa Massive Fm cu a yuda nos promove e chal-
lenge y tambe a organisa un evento special pa recauda cahanan
di comestibles. Fundacion Pa Nos Muchanan ta hopi agradecido

na comunidad di Aruba henter cu a acepta e challenge y a yuda

nos haci hopi famianan contento durante e temporada di Pasco.
Di parti di Fundacion Pa Nos Muchanan nos kier desea henter
comunidad di Aruba un Bon Pasco y un Felis Aña Nobo!