Page 10 - ATA 24 MAART 2016

Ronella Tjin Asjoe-Croes Bannernan cu ta wordo poni
cu logo di Aruba ta mara na sponsorship of na un
evento

Wednesday, 23 March 2016 20:05
Tweet

Comparti

Por mira Bannernan di ATA varios caminda. Loke ta wordo cuestiona ta cu e mesun compania ta haya pa
traha e bannernan aki. Segun CEO di ATA Sui Generis, Ronella Tjin-Asjoe Croes, conforme cu reglanan di
compra of di cierte di contratonan, ATA tin cu haci esaki logicamente.

ATA ta hacie tambe, sino atrobe no ta haya e rapportnan financiero na ordo, auditoria mencial anual na
ordo. Bisando esaki, tin cu agrega cu hopi biaha kisas hendenan ta mira hopi banner en berdad cu logo di
Aruba. Hopi biaha Bannernan cu ta wordo poni, ta mara na sponsorship of na evento. Por ehempel ATA
tabata un sponsor di e celebracion local di 18 di Maart. Por a mira e logo riba e banner. Hopi evento.
Esunnan primario y cardinal pa Aruba ta wordo carga pa ATA y aki nan ta un sponsor. Den e acuerdonan
cu e organisacionnan respectivo, tin entre otro cu ta haya cu ta importante cu nan mester itn presencia
local y di un otro banda ta compronde tambe cu nan mester tin esaki. No solamente pa e bishitante cu tey,
cu no tabata sa di e evento, sa y participa den e evento, pasobra ta compronde cu nan modelo di opera
tambe ta depende grandemente di e publico local y ingreso local. Bisando esaki atrobe, Tjin Asjoe a
menciona cu nan no ta envolve nan mes of no ta envolve ken nan ta scoge pa produci A te cu Z. ATA a
dicidi cu no kier ta envolvi den esey tampoco. Nan ta cera un acuerdo cu multiple punto cu e partido
concerni tin cu cumpli cune. ATA ta conta cu nan ta conta cu nan ta cumpli cun'e y ta midi nan riba esey.
Pero no ta drenta den logistica di cada evento. Esey ta un parti di banner cu hende ta midi cu kisas cu ATA
ta negosha cada banner apart y ATA ta scoge cada vendor. Den un otro caso, ora cu nan mes mester
produci banner, e ora ta cana e caminda manera mester ta. Den e caso di 18 di Maart, manera cada
sponsorship, a haya un presupuesto total cu ta hopi mas cu 25 mil florin y otronan a participa tambe como
sponsor, ATA a compromete nan mes cu como sponsor, no sa na final di dia unda y pakico e placa di ATA a
wordo uza, specificamente conforme of den cuadro di e presupuesto. Claro cu nan ta conta cu e ta wordo
uza pa e evento, pesey a yega na un acuerdo, pero no por bisa e vendor cu kier pa e uza parti di e 25 mil
florin pa paga cups of paga bar of paga banners. Esey ta lage na e prerogrativa di e organisacion cu ta
wordo gesponsor. ATA ta conta cu nan ta uze e placa na e manera conforme cu nan a entrega nan
proposicion. Cada sponsorship ta wordo aproba a base di un plan y a base di presupuesto. Ta exigi pa mira
tur e presupuesto, unda e placa ta planifica pa bay y kico ta e idea tras di e evento y asina ey ta traha y si no
tin hera, den caso di 25 mil florin, pero sigur den montantenan mas halto, ta exigi te hasta tin ora un
auditoria of e posibilidad pa haci'e di banda di ATA y ta exigi un rapport anual cu tur cifra tambe. Tjin
Asjoe a splica cu e comision di celebracion nacional ta carga gran parti di e celebracion nacional y e
eventonan mas cardinal, cu ta e evento di plaza Betico, dilanti bestuurskantoor y incluso algun evento cu a
tuma luga prome cu esey. Por lo general, e aña aki, ATA no a ricibi mas proposicion, Tjin Asjoe Croes a
finalisa.

http://www.24ora.com/local-mainmenu-5/106788-ronella-tjin-asjoe-croes-bannernan-cu-ta-wordo-
poni-cu-logo-di-aruba-ta-mara-na-sponsorship-of-na-un-evento