Page 11 - ATA 24 MAART 2016

Ronella Tjin Asjoe-Croes Maneho financiero di ATA ta ancra
den ley

Wednesday, 23 March 2016 19:58

Comparti

ATA ta traha conforme ley, prescirbi pa ATA y nan reglanan pa loke ta trata maneho di presupuesto,
maneho financiero ta ancra den ley, ta practicamente identico na esun di gobierno y ta wordo controla pa
companianan independiente, cu di nan banda ta haci nan control, conforme reglanan internacional. Ta
algo cu ATA ta hopi orguyoso di dje.

Maneho financiero di ATA ta hopi serio y pa ta splicando tur e informacionnan aki, no ta problema pa e
instancia y ta haci'e cu hopi placer y ta sigur cu lo haci'e mas biaha. Den contexto cu a wordo poni como
ATA, discusionnan hopi chikito, di e magnitud cu ta papiando cu ta seriedad di maneho financiero,
mester pone den contexto, segun CEO di ATA Sui Generis, Ronella Tjin Asjoe-Croes, Minister di
Turismo, conforme ley, por duna direccion na ATA. Direccion den pensamento, conforme ley, minister ta
fiha maneho. Gobierno ta fiha maneho di turismo y ATA de facto tin cu implementa e maneho aki, pero
tambe ta influencia maneho pa medio di nan consultanan cu minister pa medio di nan propio
pensamento y analisisnan. Esaki ta liñanan formal. Conforme ley tambe, minister tin cu aproba cierto
servicionan, of cierto compranan, ora nan surpasa cierto montantenan of si e cay den un poule di servicio
of compranan pa cual ta rekeri e ora ey un aprobacion di minister. Pa ta concreto Tjin Asjoe a bay analisa
cifra y pa 2015, minister a aproba un total di 8.7% di tur e compranan di ATA pa aña 2015. E 8.7% aki di
un total di 3500, loke ta yama purchases and commitments, cu ATA a procesa na aña 2015. Si cuestiona
kico esaki ta nifica den termino di montante di loke ATA a uza, esaki ta 20% di e total di placanan di
ATA, cu formalmente a wordo aproba door di minister y ora minister aproba, naturalmente conforme
ley, kiermen cu hunta di supervision tambe a bay prome cu minister. Si e no pasa e hunta di supervision,
e no ta yega minister. Si Tjin Asjoe no entreg'e na e hunta di supervision e no lo cana e caminda pa wordo
aproba tampoco. Esaki ta e parti formal di aprobacion di minister, sin kita cu minister, manera cu a
wordo bisa, conforme ley, tin e autoridad pa duna direccion na ATA, pa trece pensamentonan, pa kisas
tin ora reta ATA den nan pensamentonan y esey ta mas cu claro, considerando e importancia di turismo
pa nos economia completo y pa nos comunidad completo. A yega sigur na acuerdonan con ta traha cu
minister, realisando e importancia di turismo pa gobierno y realisando cu nan ta trahando na un manera
independiente. E suma di 20% ta mas of menos 17 miyon florin, segun Tjin Asjoe-Croes.

http://www.24ora.com/local-mainmenu-5/106785-ronella-tjin-asjoe-croes-maneho-financiero-di-ata-
ta-ancra-den-ley