Page 16 - AWEMAINTA

16 AWEMainta Dialuna, 31 Juli 2017

Prome Minister Mike Eman

“Danki na Seventh Day Adventist Church pa ta

un institucion asina special den nos comunidad”

“HUNTO cu un edificio renoba, tambe nos ta haya un fe renoba y un
proposito renoba,” esey tabata parti di e palabranan cu Prome Min-
ister Mike Eman a dirigi n’e congregacion di Seventh Day Adventist
Church na San Nicolas.
Diabierna anochi, lider di pais Aruba tabata invitado di honor pa corta
cinta y asina declara e edificio di e iglesia oficialmente habri, despues
di e proceso di renobacion cu a caba di culmina.

E ceremonia a conta cu presencia di figuranan grandi di religion na
Aruba y den nos region, manera Pastor Shurman Kook, President di e
Dutch Caribbean Union y Pastor Israel Leito President di Interameri-
can Division, kendenan tambe a corta cinta hunto cu Prome Minister.
Parlamentarionan Lorna Varlack, Chris Dammers y tambe Marlon
Sneek a asisti n’e celebracion.

“Mi ta spera cu ora nos bin hunto aki y despues bay cas awenochi, cu
e spirito di renobacion den e Seventh Day Adventist Church tambe
lo laga un sinti renoba di compromiso pa cu nos prohimo,” asina
Premier Eman a bisa n’e congregacion como parti di e bon bini oficial
n’e Iglesia renoba.
Eman: “Nos ta mes bon como comunidad, cu ta nos relacion cu otro.
Tin un dicho ta bisa cu un hende ta bira hende solamente dor di e
relacion cu e tin cu otro.”

Den e relacion ey no por mustra amor y afecto, nos por mustra tristeza
den temponan dificil of nos por mustra entusiasmo cu e éxito di nos
amigo, bisiña y famianan, segun Eman.
Finalmente, Minister President Mike Eman a gradici liderazgo y miem-
bronan di e Seventh Day Adventist Church cu ta existi na Aruba desde
1930 ora cu a cuminsa bin hunto den Village, y pa 1955 a bira asina
grandi, cu a inaugura nan edificio den Dr. Schaepmanstraat.

“E iglesia a haci asina hopi p’e comunidad Arubiano. Nan a trece luz
den asina hopi curazon y duna speransa na hopi otro. A duna un man
den momentonan di desesperacion, tristeza y necesidad, hayando aki-
nan e consuelo y motivacion pa continua cu nan bida y afronta futuro.”