Page 12 - ATA
P. 12
Diamars, 3 April 2018 AWEMainta 21
Informacion a wordo bon ricibi pa APA
A reuni cu APA pa trata posibilidadnan
di desaroyo di tereno na waf
MINISTER di Infrastructura y Medio Ambiente Ot-
mar Oduber hunto cu Minister di Turismo Dangui Odu-
ber a sinta cu board y directie di APA pa loke ta e parti
di DIP y DOW tocante e desaroyo na nos waf. ‘Tin al-
gun biaha caba cu a reuni hunto cu colega Minster di
Turismo pa por mira un start di e diferente actividadnan
di e area aki. Awe colega Oduber hunto cu mi persona a
instrui APA cu e peticion di e board riba e direccion cu
kier bay. Caminda cu lo kier pone diferente desaroyonan
cu tin di haber cu turismo, e mundo di negoshi y desar-
oyo di vivienda pa nos hendenan den e area aki. Tambe
a duna APA un tempo pa bin cu resultado di loke cu a
wordo instrui den e reunion pa wordo traha riba nan.’
Di parti di Gobierno tin un modelo cu ta laga APA
participa den e proceso pa por “onder erfpacht” e area
aki den desaroyonan cu por genera fondonan pa APA.
Sinembargo manera cu colega Minister Dangui Oduber
a bisa, nos como Gobierno kier incentiva construccion y
infrastructura na un forma responsabel y balansa cu nos
medio ambiente. E parti di tin recreacion y entreteni-
mento pa nos hendenan, famianan, hobennan y linear
park tur ta wordo tuma den consideracion den e proceso
di e “aanwijzingen” cu a duna den e reunion. Ta haya
cu e informacion ta hopi bon ricibi, APA tabata hopi re-
ceptivo y cla pa cumpli cu deseonan cu Gobierno a pone
dilanti, Minister Otmar Oduber a enfatisa.
A palabra cu unabes cu lo ricibi e resultado na (20 di
april) eora ey lo acerca ATA, ATIA, KVK y otro stake-
holders pa nan por duna input tambe. Ta di oponion cu
den reunionan cu tabatin cu diferente gremionan, ide-
anan hopi inovativo tabata bin dilanti, ideanan cu kisas
no ta haya sintando cu cierto gruponan solamente y cu
por ta na beneficio na desaroyo di nos comunidad. Un-
abes cu e ideanan ey tambe drenta, ta spera cu pa juni
mas tarda por cuminsa cu e diferente destahonan pa di
e forma aki proyectonan por wordo concretisa prome cu
fin di e aña aki y cu nos por mira un desaroyo ta start
den henter e area aki, Minister Otmar Oduber a finalisa.
