Page 84 - MIN JUS

PG a pidi Hof pa confirma 5 aña di prison pa
trio envolvi den labamento di placa scondi
den galiña

July 10, 2017
169

- Advertisement -

ORANJESTAD (AAN): Dialuna for di 9.30’or di mainta te den oranan di atardi, Hof di
Corte Superior, a trata e apelacion di e trio: R.H. Hulandes biba na Aruba, R.G. di
Bonaire biba na Aruba, J.d S. di Aruba, caminda PG a pidi Hof pa confirma e castigo di 5
aña di prison pa cada un.
SOSPECHOSO NO KIER PAPIA:
E sospechoso R.G. a wordo representa pa mr. Vaders, R.H. pa mr. Kock y mr. Illes
mientras cu J. d S. pa mr. Lejuez.
Hof y Procurador General interino (PG), tabata haci preguntanan skerpi pa e
sospechoso y por a ripara cu tanto R.G. como R.H. no kier a duna contesta na cierto
preguntanan. Nan a bisa cu pa motibo di seguridad pa nan famia, nan no por papia.
Hof a cuminsa cu R.G., G. no kier papia pa seguridad di su famia. El a bisa Hof cu e ta
bon amigo cu H. y d S. R.G. a bisa cu e ta bon amigo cu tata di d S. El a desmenti di a
deal den droga. El a admiti di sa bay Budweiser Bar papia cu d S. El a bisa cu el a yega
di viaha un biaha cu d S. pa Venezuela y cu sa viaha cu frequencia pa Venezuela
pasobra e tin un amiga aya.
E sospechoso H, Hof a remarca cu H. a keda keto durante tratamento di e caso den
Promer Instancia. Hof a puntra si ainda e ta haci uso di su derecho di silencio. H. a bisa
cu e biaha aki e lo contesta preguntanan.
CONTAINERNAN CU GALIÑA YENA CU PLACA: