Page 85 - MIN JUS

Hof a puntra H., ariba kende su nomber e cargamento di galiña prepara for di Hulanda
tabata bin, si e tabata sa cuanto placa ta bin. Segun H. e tabata sa cu tin placa den
galiña pero no tabata sa e cantidad di placa. Hof a mustra cu awor ta promer biaha cu e
ta bisa esaki. Hof a puntra cuanto biaha a transporta, el a bisa cu ta 5 biaha. Hof a
mustra cu segun investigacion ta papia di 10 container. Segun H. no ta den tur
container tabatin placa.
Hof a mustra cu December 2013 tabata e promer container. Segun H. no tabatin placa
den e galiñanan. Den e containernan di Maart 2014, Mei 2014 tampoco. Na July 2014
tabatin otro container y segun H. eyden si por tabatin. Na Augustus 2014 tambe tabatin
otro container cu galiña y eynan por tabatin placa.
H. a sigui bisa cu den e containernan di October, December 2014 y Februari 2015 no
tabatin placa den galiña. Na Mei 2015 si tabatin placa den galiña scondi.
H. a admiti cu a manda placa for di Hulanda pa Aruba. E tin un restaurant na Aruba y
mustra cu e tin amistad cu persona na Hulanda v R. pa haya galiña.
NO KIER BISA KENDE TABATA MANDA GALIÑA:
Hof a puntra con e sa cual container si y cual container no. El a bisa cu ta a base di
investigacion cu a haci.
Hof a mustr’e un potret cu e tabatin den su cel di un badkuip cu galiña cu placa aden. E
potret aki a resulta di ta saca for den cas di J. d S.
Hof a puntra H. kico su funcion ta. El a bisa cu su funcion tabata pa percura cu e
galiñanan ta bay pa un persona na Aruba. E tabata paga pa e galiñanan prepara y e
container tabata wordo hiba na su negoshi. E tabata wordo paga pa esaki.
Hof a puntra H. kende tabata esun cu ta duna orden pa e galiñanan bin Aruba y paga.
H. no kier menciona kende tabata esun cu tabata dun’e instruccion. El a bisa Hof cu e
no tabata sa di unda e placa tabata bin y no sa ki ora e placa tabata bin. Ora Hof a
cuminsa puntr’e encuanto situacion na Hulanda caminda a haya su rumannan cu placa,
el a cuminsa yora y a bisa cu ta fastioso pa papia di esaki.
Hof a puntra cu tabatin tres biaha cu barconan a hiba galiña pa Venezuela. H. a bisa cu
e no sa di esakinan. El a bisa cu tin galiñanan tabata wordo manda Venezuela y
Colombia. Segun H., no ta ariba su orden e galiñanan tabatin bin Aruba. E no sa ki ora
nan tabata bin.
Hof mustra riba yamada na July 2015 cu v R. na Hulanda, caminda nan tabata
menciona sumanan. Segun H. ta sumanan di carga di galiña cu lo mester paga.
PG mustra cu tin indicacion cu for di 2013, G. tabatin contacto cu v R. y tabata manda
placa y cu H. tabata papia cu un tal “koffie drinker”. Esaki crea e impresion cu ta for
2013 a cuminsa manda galiña. H. a bisa cu e por mustra asina pero no ta asina. PG a