Page 88 - MIN JUS

Presonan tambe tin derecho den KIA

July 11, 2017

-

ORANJESTAD(AAN): Esnan encarcela den Prison di KIA, sa cu tin diferente manera cu
nan por haya e oido cu nan kier. E por tanto na leiding como organizacion KIA, pero e
por tambe externo, na Commissie van Toezicht. Si nan tin un keho nan por haci esaki
na Commissie van Toezicht. Tin cu bisa cu durante un aña di Juni 2016 pa Juni 2017,
tabata tin 80 keho cu a worde entrega, di cual 1 a worde declara gegrond. E no tabata
tin di haber cu e organizacion KIA, sino cu e procedura.

Hecho ta cu KIA tin falta di personal, y tin un klas cu bewakernan nobo hayando
les. Pues pa 2018, KIA lo haya 20 trahador nobo. E intencion ta pa sigui busca
trahador pa por yega na e cantidad desea aki 3 aña.

E Director nobo, Rocco Tjon a haya un prison den condicion no mucho di gaba. Un
recien audit Hulandes, a enfoca riba e infrastructura, incluyendo e aspecto di higiena. E
audit a revela cu KIA awor ta mucho mas higienico compara cu antes.

E no ta un prison nobo, pero tog hopi renobacion a tuma luga, caminda cu Huis van
Bewaring a worde completamente renoba y awo ex strafafdeling tambe ta si ta bon, ta
premira cu pa fin di juli, e ta completamente renoba.

E contacto cu Minister di Husticia ta bon, y ora di a manda e presupuesto di otro aña, a
haci esey a base di e plannan cu tin di e meerjarenbeleidsplan cu tin. Tur cos ta yega
na otro pa finalmente KIA por bira e instituto cu e mester ta tambe.