Page 20 - AHATA_Neat

Prueba cu 2009-2014 a destrui base

financiero Aruba

September 4, 2020

Presentacion di President CAft ta confirma informacion DIARIO

*Prome cu Covid-19 debe y PPS a destrui futuro social di Aruba

*Menos placa pa siguridad social y pa cuido pa Arubianonan

ORANJESTAD(AAN)–Ta exactamente dos aña
pasa, cu DIARIO a cuminsa publica resultadonan di investigacionnan riba e proyecto

Citgo na Aruba.

Resultado tabata cu DIARIO a prepara Aruba pa e gran berdad, cu mester a scrap e
proyecto cu a wordo presenta na Aruba como e rescate economico di e pais.

Na mes momento DIARIO a mustra Aruba cu futuro di e pais lo tabata sumamente
dificil pa motibo di e resultadonan di e maneho cu a wordo hiba dor di Gabinete Mike
Eman cu a destrui e base financiero di e pais.

Rapport tras di rapport DIARIO a presenta na Aruba, cu por a prepara su mes pa
cambionan drastico for di 2018 sin cu ainda por a wordo papia di un malesa cu lo a
destrui economia mundial y laga Aruba tambe den problemanan sumamente serio.