Page 22 - AHATA_Neat
P. 22
Esaki pues ta completamente den cuadro di loke DIARIO semper a informa, cu Covid-
19 a topa cu Aruba manca pa e desastre financiero y economico cu Gobierno Mike
Eman a laga atras despues cu tabata conoci for di un principio na 2016 cu Citgo tambe
tabata destina pa fracasa.
Cu cifranan exacto di Oficina Central di Estadistica y di CAft, Gradus a mustra pakico
Aruba cu a cuminsa cu un maneho mas responsabel for di 2018, for di prome cu Covid-
19 no por a honra e esencia di bon gobernacion cu ta basa riba bienestar di e hende na
Aruba debi na e desaster financiero y economico di gobierno Mike Eman.
Den e maneho nobo pa soluciona Covid-19, Aruba mester sigui paga pa e interes di e
debenan y pa PPS segun e documento oficial di e presidente di e comision di
supervision di Reino, cu asina a confirma e base di informacionnan corecto di DIARIO a
base di investigacionnan continuo na e nivelnan mas halto di periodismo pa por informa
Aruba.
Awe DIARIO ta presenta na Aruba tur informacion oficial pa pueblo di Aruba cu for di
2014 no a wordo informa na forma responsabel pero a base di manipulacion politico cu
a stroba berdad politico pa prevalece.
https://diario.aw/2020/09/prueba-cu-2009-2014-a-destrui-base-financiero-aruba/
